සෞඛ්‍ය අමාත්‍යාංශය විසින් සකස් කරන ලද සීමාවාසික වෛද්‍ය පත්වීම් නාම ලේඛනය ඉවත් කරගැනීමට අමාත්‍ය රාජිත සේනාරත්න ඇතුළු රජයේ පාර්ශවය එකග වූ බව රජයේ වෛද්‍ය නිලධාරීන්ගේ සංගමය පවසයි.
ඊයේ රාත්‍රියේදී ඇමතිවරයා සහ වෛද්‍ය නිලධාරී සංගමය අතර පැවැත්වූ සාකච්ඡාවකදී මෙම එකගත්වයට පැමිණ ඇති අතර රජයේ වෛද්‍ය නිලධාරීන්ගේ සංගමයේ සහයෝගය ඇතිව නාම ලේඛණය නැවත සකසන්නටද ඇමතිවරයා ඇතුළු රජයේ පාර්ශවය එකගවී තිබේ.
ඒ පිළිබදව අදහස් දැක්වූ රජයේ වෛද්‍ය නිලධාරීන්ගේ සංගමයේ ලේකම් වෛද්‍ය නලින්ද සිල්වා මහතා පැවසූවේ අමාත්‍යාංශය දැක්වූ නම්‍යශීලීභාවය පිළිබදව ස්තූතිවන්ත වන බවත්, එකග වූ කරුණු කාරණා ඒ ආකාරයෙන්ම ඉටුවනවාද යන්න තම සංගමය විමසිල්ලෙන් සිටින බවයි.