ශ්‍රී ලංකා පොදුජන පෙරමුණේ හිස්ව පවතින ජාතික ලැයිස්තු පාර්ලිමේන්තු මන්ත්‍රී ධූරය සඳහා ජයන්ත කැටගොඩ මහතාගේ නම ගැසට් කර තිබේ.
රාජ්‍ය අමාත්‍ය ධූරයක් දැරූ අජිත් නිවාඩ් කබ්රාල් මහතා පසුගියදා සිය ධූරයෙන් ඉල්ලා අස්වී මහ බැංකුවේ අධිපති ධූරය භාරගැනීම හේතුවෙන් මෙම ජාතික ලැයිස්තු මන්ත්‍රි ධූරය හිස්විය.
පසුව ඉකුත් 13 වනදා ශ්‍රී ලංකා පොදුජන පෙරමුණේ මහලේකම්වරයා එම ජාතික ලැයිස්තු මන්ත්‍රි ධූරය සඳහා ජයන්ත කැටගොඩ මහතාගේ නම යෝජනා කරමින් මැතිවරණ කොමිෂන් සභාවට ලිපිලේඛන භාරදීමට පියවර ගෙන තිබුණි.