Colombo Today Local News

පෙරටුගාමීන් – ජවිපෙ පොළොන්නරුවේදී ගුටි ඇණගනී, තුනක් රෝහලේ

ජනතා විමුක්ති පෙරමුණ සහ පෙරටුගාමි සමාජවාදි පක්ෂයේ සාමාජිකයින් පිරිසක් අතර පොළොන්නරුව ප්‍රදේශයේදී ඇති වූ ගැටුමකින් පුද්ගලයින් තිදෙනෙකු තුවාල ලබා තිබේ.

අද අළුයම පොළොන්නරුව බස් නැවතුම්පොළ අසලදී මෙම ගැටුම හටගෙන ඇති බව පොලිස් මාධ්‍ය ප්‍රකාශක කාර්යාලය සඳහන් කළේය.

ගැටුමෙන් තුවාල ලැබූ පෙරටුගාමි සමාජවාදි පක්ෂයේ සාමාජිකයින් දෙදෙනෙකු සහ ජනතා විමුක්ති පෙරමුණේ සාමාජිකයෙකු ප්‍රතිකාර සඳහා පොළොන්නරුව රෝහලට ඇතුළත් කර ඇත.

මැයි දිනයට අදාළව පෝස්ටර් සහ කටවුට් අලවමින් සිටි තම පක්ෂ ක්‍රියාකාරින් පිරිසකට යතුරුපැදිවලින් පැමිණි ජනතා විමුක්ති පෙරමුණේ සාමාජිකයින් සිව්දෙනෙකු විසින් පහරදුන් බවට පෙරටුගාමි සමාජවාදි පක්ෂය විසින් පොළොන්නරුව පොලිසියට පැමිණිල්ලක් ද ඉදිරිපත් කර ඇති බව සඳහන්ය.

කෙසේ වෙතත් සිද්ධියට අදාළව මෙතෙක් ජනතා විමුක්ති පෙරමුණෙන් කිසිදු පැමිණිල්ලක් ලැබී නොමැති බව පොලිස් මාධ්‍ය ප්‍රකාශක කාර්යාලය පැවසුවේය.

Related posts

අපේ ජන බල පක්ෂයේ නායක සමන් පෙරේරා වෙඩි තබා ඝාතනය කෙරේ.

colombotoday

ගුරු – විදුහල්පති වැටුප් විෂමතා වලට විසඳුම්

colombotoday

කුණු කන්දට යටවී මිය ගිය අයගේ මිනී පෙට්ටියෙනුත් ගසා කාලා (Video)

colombotoday

යහපාලන ආණ්ඩුව කළ තවත් වැඩක් අවුල් වෙයි.. නැවත සංශෝධනය කරන බව ජනපති කියයි

colombotoday

නතර කර තිබූ විමධ්‍යගත අරමුදල් මෙවර අයවැයෙන් මන්ත්‍රීවරුන්ට යළි දෙයි

Admin

මහා නාහිමිවරුන්ගේ මතයට ශ්‍රීලනිපයේ බහුතරය එකගයි..!

colombotoday