කොළඹ බණ්ඩාරනායක ජාත්‍යන්ර සම්මන්ත්‍රණ ශාලාවේදී ඊයේ (06) පැවති ජාතික වාර් ගොවි සම්මේලනය සදහා දරා ඇති වියදම සම්බන්ධයෙන් එල්ලවන චෝදනාවලට ජනාධිපති මෛත්‍රීපාල සිරිසේන මහතා එම සමුළුවේදී ප්‍රතිචාර දක්වූවා.
ජනාධිපතිවරයා එහිදී සදහන් කළේ “මේක ගොවි මහත්වරුන්ගේ සැණකෙළියක් නෙමෙයි. මේක කානිවල් එකක් නෙමෙයි. මේක සංගීත සංධ්‍යාවක් නෙමෙයි. මේ රටේ දුක්විඳින ගොවි ජනතාවගේ සැබැ ප්‍රශ්න සාකච්ඡා කරමින් ඒවාට විසඳුම් ලබාදෙන ගොවි සමුළුවක් මේක. ඒක නිසා මේකට කොච්චර වියදම් වුණත් කමක් නෑ.. ඒ ගොවි ජනතාව වෙනුවෙන්. මොකද මේ වගේ සමුළු මීට කලින් මේ භූමියෙ පවත්වලා නැහැ” යනුවෙනි.
විචේචන කරන වැඩි පිරිසක් වැඩ නොකරන අය බවද, විවේචන වලට බිය නොවී තමන් තවදුරටත් ජනතා සේවයේ යෙදෙන බවද ජනාධිපතිවරයා එහිදී අවධාරණය කළා.
