පොලිස්පති ධුරයේ රාජකාරී කිරීම සඳහා තවත් මාස 3ක සේවා දිගුවක් සී.ඩී. වික්‍රමරත්න මහතාට ලබා දෙමින් ඊට අදාළ ජනපතිගේ නිර්දේශය අනුමත කිරීම සඳහා ආණ්ඩුක්‍රම ව්‍යවස්ථා සභාවට යොමු කර ඇතැයි කතානායකවරයා පවසයි.
ජනාධිපති ලේකම්වරයා විසින් ඊයේ (10) දිනයේ දී අදාළ නිර්දේශය තමන් වෙත යොමු කළ බව කතානායක මහින්ද යාපා අබේවර්ධන මහතා සඳහන් කරයි.
ලබන සතියේ රැස්වන ආණ්ඩුක්‍රම ව්‍යවස්ථා සභාවේදී මේ පිළිබඳව අවධානය යොමු කරන බව කතානායකවරයා කීය.
ජනාධිපති රනිල් වික්‍රමසිංහ මහතා විසින් පොලිස්පති ධුරයේ කටයුතු කිරීම සඳහා සී.ඩී. වික්‍රමරත්න මහතාට දෙවන වරටත් තවත් මාස 3ක කාලය සඳහා සේවා දිගුවක් ලබා දුන්නේ පසුගිය ඉරිදා සිට ක්‍රියාත්මක වන පරිදියි.