Colombo Today Local News

ඉතා අමානුෂික ලෙස දරුවෙකුට පහර දුන් ගුරුවරයෙක් පොලීසියට බාර වෙයි

වේයන්ගොඩ ප්‍රදේශයේ ප්‍රසිද්ධ පාසැලක උසස් පෙළ ඉගෙනුම ලබන දරුවෙකුට ඉතා අමානුෂික ලෙස ප්ලාස්ටික් බටයකින් පහරදී තුවාල සිදු කොට දින පහක කාලයක් සැගවී සිටි බව කියන ගුරුවරයා අද (15) උදෑසන නීතීඥ වරයෙකු මාර්ගයෙන් පැමිණ වේයන්ගොඩ පොලීසියට භාර වී තිබේ.

වේයන්ගොඩ ප්‍රදේශයේ ප්‍රසිද්ධ පාසැලක මෙවර උසස් පෙළ විභාගයට පෙනී සිටීමට නියමිත තාක්ෂණ විෂය හදාරන දරුවෙකුට ඉකුත් 10 වනදා එම පාසැල තුළ දී ඉතා අමානුෂික ලෙස ප්ලාස්ටික් බටයකින් පහරදී තුවාල සිදු කළ බව කියන සිද්ධියක් සම්බන්ධව ගුරුවරයා අත්අඩංගුවට ගැනීම සඳහා වේයන්ගොඩ පොලීසිය ඔහු සොයමින් සිටියේය.

පොලිස් ස්ථානාධිපති ප්‍රධාන පොලිස් පරීක්ෂක චන්න වෑත්තෑව මහතාගේ මෙහෙයවීම යටතේ පොලිස් නිලධාරීන් පිරිසක් පරීක්ෂණ පවත්වා ගෙන ගිය නමුත් ඔහු පදිංචි නිවසින් පැන ගොස් සිටි හෙයින් අත් අඩංගුවට ගැනීමට නොහැකි වී තිබිණි.

මේ අතර මොහු අද (15) උදෑසන 8.10 ට පමණ නීතීඥ වරයෙකු මාර්ගයෙන් පොලීසියට පැමිණ භාර වූ බව වේයන්ගොඩ පොලිස් ස්ථානාධිපති ප්‍රධාන පොලිස් පරීක්ෂක චන්න වෑත්තෑව මහතා පවසයි.

පරීක්ෂණ කටයුතු අවසන් වීමෙන් අනතුරුව සැකකාර ගුරුවරයා අත්තනගල්ල මහේස්ත්‍රාත් අධිකරණයට ඉදිරිපත් කරන බවද පොලිස් ස්ථානාධිපති වරයා කීය.

Related posts

ජනමතයට හිස නමා ජනපති-අගමැති ඉල්ලා අස්වෙයි !.. රූපවාහිනිය ඔස්සේ විශේෂ ප්‍රකාශයක්

colombotoday

බලශක්ති ඇමති උපාධියත් අරගෙන සී.අයි.ඩී යයි

Admin

ඡන්දෙ කරන්න සල්ලි නෑ !

colombotoday

අමෙරිකාවෙන් ගාල්ල තැපැලට ආ කෝටියක ”කුෂ්” රේගු දැලේ

Admin

ඒකාබද්ධයේ හතරක් එජාපයට !!

colombotoday

හිටපු ජනාධිපති ගෝඨාභය සිංගප්පූරු බලධාරීන්ගෙන් තවත් දින 14ක් ඉල්ලයි

colombotoday