ඉන්දියාවෙන් සතියකට ටොන් 100 බැගින් ඔක්සිජන් ආනයනය කිරීමට සෞඛ්‍ය අමාත්‍යංශය තීරණය කර තිබේ.
සෞඛ්‍ය අමාත්‍ය පවිත්‍රා වන්නිආරච්චි මහත්මිය මේ බව සඳහන් කළේ අද (14) පෙරවරුවේ මාධ්‍ය ප්‍රධානීන් හා සෞඛ්‍ය අංශයේ බලධාරීන් හා පැවති සාකච්ඡාවකදී ය.
එමෙන්ම දිනෙන් දින ඉහළ යන කොරෝනා වෛරසය සැලකිල්ලට ගෙන ලබන සදුදා සෞඛ්‍ය මාර්ගෝපදේශ නීතියක් බවට පත්කර ගැසට් නිවේදනයක් නිකුත් කිරීමට ද තීරණය කර තිබේ.
මෙහිදි සෞඛ්‍ය අමාත්‍යවරිය මාධ්‍ය ප්‍රධානීන්ගෙන් ඉල්ලා ඇත්තේ,, ඉදිරි එන්නත්කරණ වැඩපිළිවෙළ සහ අනුගමනය කළ යුතු සෞඛ්‍ය පුරුදු පිළිබදව නිරන්තරයෙන් ජනතාව දැනුවත් කරන ලෙසයි.