දෙහිවල, කව්ඩාන පාරේ තෙමහල් නිවසක පහත මාලයේදී ව්‍යාපාරිකයකු, ඔහුගේ බිරිඳ, දියණිය හා ඥති දියණියක අභිරහස්‌ අන්දමින් මියයැමට හේතුව විදුලි කාන්දුවකින් ඇතිවූ දුමාරයක්‌ නිසා කාබන් මොනොක්‌සයිඩ් ආඝ්‍රාණය වීම බව ඊයේ රාත්‍රි කළුබෝවිල රෝහලේදී පැවති පශ්චාත් මරණ පරීක්‍ෂණයේදී අනාවරණය වී තිබේ.
මියගිය අයගේ කළුවී තිබූ මළ සිරුරු 15 වැනිදා උදේ 10.00 ට පමණ සොයාගත් බව පොලිසිය පවසයි.
මෙලෙස මියගොස්‌ ඇත්තේ හුසේන් මව්ලානා, (65) පියා, මුර්සිඩා මව්ලානා (52) මව, තෘෂ්ණා මව්ලානා (13) දියණිය සහ ඥති දියණියක වූ මිස්‌නා (13) (මියගිය කාන්තාවගේ නැගණියගේ දියණිය) මෙම පශ්චාත් මරණ පරීක්‍ෂණය ප්‍රධාන අධිකරණ වෛද්‍ය නිලධාරි බන්දුල අබේසිංහ මහතාගේ අධීක්‍ෂණයෙන් සහකාර අධිකරණ වෛද්‍ය නිලධාරීන් වන චතුර නන්දසිරි සහ ප්‍රසාදිනී සෙනරත් යන මහත්ම මහත්මීන් විසින් සිදුකළාය.