කෘෂිකර්ම අමාත්‍යාංශයේ කාර්යාල කටයුතු පවත්වාගෙන යෑම සදහා සිනමා නිළි සබීතා පෙරේරාගේ සැමියාට අයත් රාජගිරියේ ගොඩනැගිල්ලක් රුපියල් ලක්ෂ 210ක මාසික කුළියකට ලබාගෙන ඇති බව වාර්තා වනවා .
කෘෂිකර්ම අමාත්‍යාංශයේ කාර්යාල කටයුතු පවත්වාගෙන ගිය ගොඩනැගිල්ල අග්‍රාමාත්‍ය රනිල් වික්‍රමසිංහ මහතා විසින් පාර්ලිමේන්තු කටයුතු සදහා පවරාගෙන ඇති බැවින් කෘෂිකර්ම අමාත්‍යාංශය මෙසේ වෙනත් ගොඩනැගිල්ලක් වෙත ගෙනයෑමට සිදුව තිබෙන අතර කෘෂිකර්ම අමාත්‍ය දුමින්ද දිසානායක මහතා විසින් අදාළ ගොඩනැගිල්ල කුළියට ලබා ගැනීම සදහා කැබිනට් මණ්ඩල පත්‍රිකාවක් ඉදිරිපත් කර ඇතැයි ආංරචි මාර්ග සදහන් කරයි. එය සලකා බැලීම සදහා කැබිනට් අනුකමිටුවක් පත්කර ඇති බවද වාර්තා වේ.
වර්තමානයේ අමාත්‍යංශයක් පවත්වාගෙන යෑමට ගොඩනැගිල්ලකට ගෙවන වැඩි ම මුදල මේ රුපියල් දෙකෝටියකට වඩා මුදල බව වැඩිදුරටත් වාර්තා වෙයි.