රාජ්‍ය අමාත්‍ය නාලක ගොඩහේවා මහතාට පනවා තිබූ විදෙස් ගමන් තහනම අගෝස්තු මස 31 වනදා දක්වා තාවකාලිකව ඉවත්කරන ලෙස කොළඹ මහාධිකරණය නියම කර තිබේ.
ශ්‍රී ලංකා විනිමය හා සුරැකුම්පත් කොමිසමේ සභාපති වශයෙන් කටයුතුකරමින් සිටියදී රුපියල් මිලියන පහක මුදලක් සාවද්‍ය ලෙස පරිහරණයකළේ යැයි චෝදනාකරමින් ගොනුකර තිබූ නඩුවක් අද (13)දින විභාගයට ගත් අවස්ථාවේදී එම නියෝගය කොළඹ මහාධිකරණය මගින් ලබා දී ඇත.
ඒ අනුව කොළඹ මහාධිකරණ විනිසුරු අමල් රණරාජා මහතා සඳහන් කර සිටියේ විදේශ ගමන් තහනම ඉවත්කරමින් නිකුත්කළ නියෝගය සම්බන්ධයෙන් ආගමන හා විගමන පාලකවරයා දැනුවත්කිරීමට පියවරගන්නා ලෙසය.