කුලියාපිටිය – හෙට්ටිපොළ මාර්ගයේ ඇපලදෙණිය පන්සල හංදියේ තිබී අත්බෝම්බ 03ක් සහිත පාර්සලයක් හමු වී තිබේ.
වත්තක අයිනේ කාණුවක අයිස් ඇසුරුම් පෙට්ටියක තිබිය දී එය මාර්ගයේ ගමන් ගත් පාපැදිකරුවෙකු දැක පොලිස් හදිසි ඇමතුම් ඒකකයට ලබාදුන් ඇමතුමක් අනුව සොයාගත් බව වාර්තා වේ.
ඒ සම්බන්ධයෙන් අධිකරණය දැනුවත් කර මහේස්ත්‍රාත්වරයාගේ උපදෙස් අනුව පොලිස් විශේෂ කාර්යබලකාය කැඳවා බෝම්බ නිෂ්ක්‍රීය කිරීමට පියවර ගන්නා බව පොලිස් මාධ්‍ය ප්‍රකාශක කාර්යාලය සඳහන් කරයි.
කුලියාපිටිය පොලීසිය ඒ පිළිබඳ වැඩිදුර පරීක්ෂණ සිදු කරයි.