නවසීලන්තයේ මෙතෙක් පහළවූ හොඳම ටෙස්ට් කඩුලු රකින්නා ලෙස සැලකෙන බී. ජේ. වොට්ලින් එළඹෙන එංගලන්ත සංචාරයෙන් අනතුරුව ක්‍රිකට් පිටියෙන් සමුගන්නා බව පවසයි.
ජුනි 18-22 වනදා දක්වා එංගලන්තයේ ලෝඩ්ස් පිටියේ පැවැත්වීමට නියමිත “ලෝක ටෙස්ට් ශූරතාවලියේ” අවසාන මහ තරඟය ඔහුගේ අවසන් ටෙස්ට් තරඟය වන බව වාර්තා වේ.
එම තරඟය පැවැත්වෙන්නේ ඉන්දියාව සමගය.
නවසීලන්තය වෙනුවෙන් ටෙස්ට් තරග 73ක් ක්‍රීඩාකර ඇති 35 හැවිරිදි වොට්ලින්, එහිදී රැස්කරගෙන ඇති ලකුණු සංඛ්‍යාව 3,773 කි.
ඔහු කඩුලු රකින්නා ටෙස්ට් තරගවලදී උඩපන්දු සහ ස්ටම්ප් කිරීම් (08) 257ක් වාර්තාකර තිබේ.