අද උසාවියට ඉදිරිපත් කිරීමට නියමිත පූජ්‍ය ගලගොඩඅත්තේ ඤාණසාර හිමියන්ට ඇප ලබා ගැනීම සදහා ඇති අවස්ථා අවහිර කර එහමියන් තව දුරටත් බන්ධානාගාරගත කිරීම සදහා එජාපයේ ශාකා සමිතියක් වන නීතීඥ සංගමය සැලසුම්සහගතව ක්‍රියාත්මක වෙමින් සිටින බවට තොරතුරු ලැබී තිබෙනවා.
ඤාණසාර හිමියන් බන්ධනාගාරගත කිරීම හේතුවූ එක්නැලිගොඩ සම්බන්ධයෙන් නඩුව විභාගයට ගත් අවස්ථාවේදී ඤාණසාර හිමියන් විසින් උසාවිය තුළදී දිලීප පීරිස් නමැති නීතීඥයාට ‘නපුංසකයා‘ ලෙස බැණ වැදී ඇති බවත් එය සමස්ථ නීතිඥ ප්‍රජාවටම කළ අපහාසයක් බවත් සදහන් කරමින් නීතිඥ සංගමය විසින් පැමිණිල්ලක් කිරීමට නියමිතව සිටින අතර මෙම නඩුව ශ්‍රේෂ්ඨාධිකරණයට යොමු කරන ලෙස ඉල්ලා සිටීමටද සැරසෙන බව නීතීඥ සංගමයේ අභ්‍යන්තර තොරතුරු මාර්ගවලින් අප වෙත දැන ගැනීමට ලැබී තිබෙනවා.
එජාප ප්‍රබලයෙක් සහ රාජ්‍ය නොවන සංවිධානවල කටයුතු කරන නීතීඥයන් පිරිසක් මැදිහත් වී ඤාණසාර හිමියන්ට එරෙහිව නීතීඥ සංගමය මෙහෙයවමින් සිටින අතර කෙසේ හෝ එහිමියන් සිරගත කර ජාතික ව්‍යාපාර අඩපණ කිරීමේ ඔවුන්ගේ අරමුණ වී ඇත.
කෙසේ වෙතත් අදාළ අවස්ථාවේ එම ස්ථානයේ සිටි අප වාර්තාකරු පැවසූයේ එවැනි බැණවැදීමක් ඤාණසාර හමියන් සිදු නොකළ බවයි.