විදේශ කටයුතු අමාත්‍ය අලි සබ්‍රි අමෙරිකා එක්සත් ජනපද රාජ්‍ය ලේකම් ඇන්ටනී බ්ලින්කන් සමග සාකච්ඡාවක් වොෂින්ටන් නුවරදී පවත්වා තිබේ.
එහිදී ශ්‍රී ලංකාව සහ එක්සත් ජනපදය සමග පවත්නා සම්බන්ධතා තවදුරටත් ඉහළ නැංවීම කෙරෙහි අවධානය යොමු කර ඇත.
තව ද දෙරට අන්‍යෝන්‍ය වශයෙන් උනන්දුවක් දක්වන විෂයයන් පිළිබඳව ද එහිදී සාකච්ඡා කර තිබේ.
මේ අතර, සබ්‍රි ජාත්‍යන්තර සංවර්ධනය සඳහා වන අමෙරිකානු නියෝජිතායතනයේ ප්‍රධානී සමන්තා පවර් ද හමුවී ඇත.
එහිදී ශ්‍රී ලංකාව යළි යථා තත්ත්වයට පත් කරගැනීමට අවශ්‍ය සහය ලබාදෙන බව ඇය සඳහන් කර තිබේ.