විදුලි ගාස්තු ඉහළ දැමීමේ යෝජනාව අනිවාර්යෙන්ම ක්‍රියාත්මක කළ යුතු බවත් ඊට එරෙහිව කවුරුන්ගේ අධිකරණ ක්‍රියාමාර්ග ගන්නේ නම් නීත්‍යානුකූලව ප්‍රතිචාර දක්වන බවත් විදුලිබල හා බලශක්ති අමාත්‍ය කංචන විජේසේකර අද (27)දින පවසයි.
විදුලි ගාස්තු ඉහළ දැමීමේ යෝජනාව එකම පියවරකින් හෝ පසු පසට ගෙන නොමැති බවත් එය රජය ක්‍රියාත්මක කරන යෝජනාවක් මිස අමාත්‍යවරයා ලෙස තමන් ක්‍රියාත්මක කරන්නක් නොවන බවත් කීය.
විදුලි ගාස්තු ඉහළ දැමීමට එරෙහිව ඕනෑම කෙනෙකුට නීතිමය පියවර ගැනීමේ අයිතියක් ඇති බව කී අමාත්‍ය කංචන විජේසේකර අමාත්‍යවරයා ලෙස තමන් මෙහිදී සියලු ආයතනය සම්බන්ධීකරණය කරන බැවින් රජය විරෝධතාවලට එරෙහිව කටයුතු කරනු ඇති බව ද සඳහන් කළේය.