Colombo Today Local News

පොලිස් නිලධාරීන්ට පහරදුන් තුනක් අත්අඩංගුවේ

පොලිස් නිලධාරීන්ගේ රාජකාරියට බාධා කළ සැකකරුවන් තිදෙනෙක් අත්අඩංගුවට ගෙන තිබේ.

ඊයේ (25) රාත්‍රී කාලයේ දී වත්තල පොලිස් වසමේ හැඳල හන්දිය ප්‍රදේශයේ දී කෑකෝ ගසමින් ත්‍රීරෝද රථයකින් ගමන් කරමින් සිටි පිරිසක් ඇළකන්ද මාර්ගයේ සිට කොළඹ – මීගමුව ප්‍රධාන මාර්ගයට පිවිසීමේ දී පොලීසියෙන් නවතා තිබේ.

පසුව රාජකාරියේ යෙදී සිටි නිලධාරීන් දෙදෙනෙක් අදාළ ත්‍රීරෝද රථය පරීක්ෂා කිරීමට උත්සාහ කර ඇත.

එම අවස්ථාවේ දී රථයේ රියදුරු හා පිටුපස අසුනේ සිටි පුද්ගලයින් දෙදෙනෙක් බීමතින් සිට ඇති බව පෙනී යෑම හේතුවෙන් ත්‍රීරෝද රථ රියදුරු අත්අඩංගුවට ගැනීමට යෑමේ දී අදාළ පිරිස පොලිස් නිලධාරීන් දෙදෙනාට පහර දී පළාගොස් ඇත.

එම සිදුවීම සම්බන්ධයෙන් වත්තල පොලීසියට දැනුම් දීමෙන් අනතුරුව තවත් නිලධාරීන් කණ්ඩායමක් විසින් වත්තල ප්‍රදේශයේ දී අදාළ සැකකරුවන් තිදෙනා ත්‍රීරෝද රථය සමග අත්අඩංගුවට ගෙන ඇත.

අත්අඩංගුවට ගත් සැකකරුවන් අවුරුදු 25, 29 හා 30 යන වයස්වල පසුවන වත්තල, මාබෝල ප්‍රදේශයේ පදිංචිකරුවෙකි.

සැකකරුවන් පහරදීමෙන් තුවාල ලැබු පොලිස් නිලධාරීන් දෙදෙනා මේ වනවිට රාගම රෝහලේ ප්‍රතිකාර ලබයි.

සැකකරුවන් අද (26)දින වැලිසර මහෙස්ත්‍රාත් අධිකරණය හමුවට ඉදිරිපත් කිරීමට නියමිතය.

Related posts

දෙමළ කතාකළ හැකි අලුත් ආණ්ඩුකාරයා ගැන විග්නේශ්වරන් සතුටින්

colombotoday

තව්හිද් ත්‍රස්ත සැකකරුවන්ගේ කෝටි 14 ක් රාජ සන්තකයි !

colombotoday

අක්කර 1000ක් සමග අලිමංකඩ ලුණු ලේවාය පුද්ගලික අංශයට…. 20%ක් බදියුදීන්ට….

colombotoday

රාජ්‍ය අමාත්‍ය රොෂාන් රණසිංහටත් කොවිඩ්

colombotoday

විදේශයන්හි සිරවූ ලාංකිකයන් මෙරටට ගෙන්වීම තාවකාලිකව අත්හිටුවයි

colombotoday

කොරෝනා යැයි සැක කටුපොත 30 ක් නිරෝධායනයට

colombotoday