විල්පත්තුව රක්ෂිතය ආශ්‍රිතව නැවත වරක් ආරම්භ වී ඇති දැවැන්ත වන සංහාරය පිළිබදව විශේෂ සාකච්ඡාවක් අද පෙරවරුවේ ජනාධිපති මන්දිරයේදී සිදුවී තිබෙන බව වාර්තා වනවා.
ජනාධිපති මෛත්‍රීපාල සිරිසේන මහතා නිලධාරීන් කැදවා විල්පත්තුව සම්බන්ධයෙන් ගත හැකි උපරිම ක්‍රියාමාර්ග ගන්නා ලෙසට නියෝග කර ඇති බවයි ආරංචි මාර්ග සදහන් කරන්නේ.
තමා විධායක බලතල පාවිච්චි කරන්නේ ළමයින් සහ පරිසරය සම්බන්ධ කරුණු වලදී පමණක් බවයි ජනාධිපතිවරයා මීට පෙර අවස්තාවක සදහන් කර සිටියේ. එසේ තිබියදීත් ජනපති අන නොතකා සිදුකෙරෙමින් පවතින වන විනාශය සම්බන්ධයෙන් පියවරක් නොගැනීම සම්බන්ධයෙන් විවිධ පාර්ශව විලින් ජනාධිපතිවරයාට දෝෂාරෝපණ එල්ල වී තිබුණා.
විල්පත්තුවෙන් නැවත සිදුකෙරෙමින් පවතින වන සංහාරය පිළිබදව පරිසර සංවිධාන සහ බොදු බල සේනා සංවිධානයද ඊයේ ලිඛිතවම ජනාධිපතිවරයා දැනුවත් කර තිබුණා.
කෙසේ වෙතත් විල්පත්තුවේ සිදුවන වන සංහාරය සහ ජාතිවාදී ජනපදකරණය අත්හිටවුවහොත් රිෂාඩ් බදුර්දීන් ඇමතිවරයා ආණ්ඩුවෙන් ඉවත්වීමට බොහෝ දුරට ඉඩ ඇති බවටද මත පලවී තිබෙනවා.