බම්බලපිටිය ප්‍රදේශයේ පදිංචි ව්‍යාපාරිකයෙකුගේ නිවසක් මංකොල්ල කා ගිනි අවියක්, මුදල් සහ රන් භාණ්ඩ කොල්ලකෑමේ සිද්ධියක් වාර්තා වේ.
සැකකරුවන් ව්‍යාපාරිකයාගේ නිවසේ තෙවන මහලට ඇතුළු වී මෙලෙස කොල්ල කා ඇති අතර, රුපියල් එක් කෝටි එක් ලක්ෂයක්, අමෙරිකානු ඩොලර් 6,000ක් කෝටියකට ආසන්න රන් භාණ්ඩ, බලපත්‍ර සහිත ගිනි අවියක් සහ පතොරම් 12ක් සහිත මැගසින් එකක් ඒ අතර වන බවයි පැවසෙන්නේ.
නිවසේ හිමිකරු වාහන වෙළදාම් සිදු කරන්නෙක් වන අතර, ඔහු ව්‍යාපාර කටයුත්තක් සඳහා නිවසෙන් පිටව ගිය අවස්ථාවේ සැකකරුවන් නිවසට ඇතුළු වී ඇති බවයි පොලිස් මාධ්‍ය ප්‍රකාශක කාර්යාලය සඳහන් කරයි.
සැකකරුවන් මෙතෙක් හඳුනාගෙන නොමැති අතර, ඔවුන් සොයා පොලිසිය විමර්ශන සිදු කරයි.