එක්සත් ජාතීන්ගේ මහ ලේකම්වරයා ත්‍රස්තවාදය දිරිගන්වන බවට ඊශ්‍රායල අග්‍රාමාත්‍ය බෙන්ජමින් නෙතන්යාහු චෝදනා නගයි.
ඊශ්‍රායල අග්‍රාමාත්‍යවරයා මේ බව පවසා ඇත්තේ, ඊශ්‍රායල පලස්තීන ප්‍රචණ්ඩත්වය පිළිබඳව බැන් කී මූන් මහතා එක්සත් ජාතීන්ගේ ආරක්ෂක මණ්ඩලය අමතමින් පළ කළ අදහස් හේතුවෙනි.
බැන් කී මූන් මහතා සඳහන් කළේ, නිරන්තරයෙන් හුදෙකලාබවින් සහ අපේක්ෂා භංගත්වයෙන් පෙළීම පලස්තීනුවන් එම ප්‍රහාර එල්ල කිරීමට හේතු වූ බව ය.
අකර්මන්‍ය වූ සාම ක්‍රියාවලිය හා අඩ සියවසක කාලයක් පීඩනයට පත්ව සිටීම හමුවේ පලස්තීනුවන් එලෙස ප්‍රචණ්ඩ අයුරින් හැසිරීම මිනිස් ස්වභාවය බව ද එක්සත් ජාතීන්ගේ මහ ලේකම්වරයා ප්‍රකාශ කළේ ය.
එහිදී පලස්තීනුවන් ඊශ්‍රායල ජාතිකයින්ට මෑතකදී එල්ල කළ පිහි ප්‍රහාර පිළිබඳව ද එක්සත් ජාතීන්ගේ මහ ලේකම්වරයා අදහස් පළ කළේ ය.