මනාලියක් බැලීමට ගිය කණ්ඩායමකට නිරෝධායනය වීමට සිදුවූ පුවතක් මීරිගමින් වාර්තා වේ. එයට හේතු වී ඇත්තේ මනාලියට කොවිඩ්-19 ආසාදනය වී ඇති නිසාය. මනාලිය මිනුවන්ගොඩ ප්‍රදේශයේ පදිංචිකාරියක් වන අතර ඇය සේවය කරන්නේ කොළඹ පෞද්ගලික ආයතනයකය.
පසුව මනාලිය සිදු කරගත් බව කියන පීසීආර් පරීක්ෂණයකින් පසු ඇය කොවිඩ් ආසාදිත බවට තහවුරු වී ඇත. ඒ අනුව මනාලියගේ පවුලේ අනෙක් සාමාජිකයන්ද පෙරේදා (30දා) රැපිඩ් ඇන්ටිජන් පරීක්ෂණයට භාජනය කර ඇත. එහිදී මනාලියගේ පවුලේ මව, පියා හා සහෝදරයාට කොවිඩ්-19 වැලඳී ඇති බව අනාවරණය වී ඇත.
මේ නිසා මීරිගම මනාලයා ඇතුළු පවුල් දෙකක සාමාජිකයන් හත්දෙනෙක් නිරෝධායනයට ලක්කර ඇත.