Colombo Today Local News

රට ගොඩනැගීමේ ජනපතිගේ දැක්ම ජාත්‍යන්තර නිර්නායක ඉක්මවා යන්නක් – සාගල රත්නායක

රට ගොඩනැගීම සඳහා වන ජනාධිපතිවරයාගේ දැක්ම ජාත්‍යන්තර නිර්නායක ඉක්මවා යන්නක් බව ජාතික ආරක්ෂාව පිළිබඳ ජනාධිපති ජ්‍යෙෂ්ඨ උපදේශක සහ ජනාධිපති කාර්ය මණ්ඩල ප්‍රධානී සාගල රත්නායක මහතා පවසයි.

ඊයේ (08) ජනාධිපති කාර්යාලයේ දී රාජ්‍ය නිලධාරීන් සහ ලෝක බැංකු සාමාජිකයින් හමු වූ අවස්ථාවේදී ඔහු මේ බව පවසා ඇත.

මෙම හමුවට ලෝක බැංකුවේ දේශීය කළමනාකරු චියෝ කන්දා සහ ලෝක බැංකු කණ්ඩායමේ සාමාජිකයින් ද එක්ව සිට ඇත.

ජනාධිපති මාධ්‍ය අංශය සදහන් කරන්නේ, බැංකු අයවැය සහය සහ සංවර්ධන ප්‍රතිපත්ති සූදානම් කිරීමේ මෙහෙයුම ආරම්භ කිරීම වෙනුවෙන් මෙම හමුව පැවැත් වූ බවයි.

රට ආර්ථික වශයෙන් ස්ථාවර කිරීම සඳහා ශක්තිමත් ප්‍රතිපත්ති රාමුවක් ඇති කර ගැනීමට මෙය හොඳම අවස්ථාව බව සාගල රත්නායක මහතා මෙහිදී පවසා ඇත.

ඉදිරි සති දෙක අවසානයේදී රටේ ආර්ථික ස්ථාවරත්වය ඇති කිරීම සඳහා වූ ප්‍රතිපත්තිමය රාමුවක් සැකසීමට අදාළ අවසන් වාර්තාව සකස් කිරීම, එහි මාර්ග සිතියම සැකසීම සහ ඒ අනුව සියලු දෙනා කැපවී කටයුතු කිරීමේ අවශ්‍යතාව මෙහිදී සාගල රත්නායක මහතා පෙන්වා දුන් බව ජනාධිපති මාධ්‍ය අංශය සදහන් කරයි.

අපේක්ෂිත සංවර්ධන මූල්‍ය අවශ්‍යතා සමග කටයුතු කිරීමට ඉඩ සැලසීම සඳහා වේගවත් මූල්‍ය ආධාර සැපයීම, මූල්‍ය පාලනය පරිවර්තනය කිරීම, තරගකාරීත්වය ඉහළ නැංවීම යන කරුණු 3 ක් යටතේ මෙම මෙහෙයුම් සැලසුම් කර ඇත.

ජනාධිපති මාධ්‍ය අංශය පවසන්නේ, ජාතික තීරුබදු ප්‍රතිපත්තියේ අපනයන විරෝධී නැඹුරුව අඩු කිරීම, විදේශ ආයෝජන සඳහා ඇති බාධා ඉවත් කිරීම පිළිබඳව ද මෙහිදී අවධානය යොමු වූ බවයි.

ණය කළමනාකරණය සහ විනිවිදභාවය, මූල්‍ය අධීක්‍ෂණය, බදු පරිපාලන ප්‍රතිපත්තිය වැඩිදියුණු කිරීම, මුදලෙහි වටිනාකම වැඩි කිරීම, ස්වෛරී මූල්‍ය අංශයේ සම්බන්ධය බිඳ දැමීම සහ ක්‍රමානුකූල අවදානම අවම කිරීම යන ක්ෂේත්‍ර පිළිබඳ මෙහිදී දීර්ඝ වශයෙන් සාකච්ඡා කර තිබේ.

ජනාධිපතිවරයාගේ රට වෙනුවෙන් වූ ක්‍රියාකාරී ප්‍රතිපත්තියට සහය දක්වන බව මෙහිදී මාලදිවයින, නේපාලය සහ ශ්‍රී ලංකාව සඳහා වන ලෝක බැංකු අධ්‍යක්ෂ ෆාරීස් හඩඩ් ස්වෝස් මහතා පැවසූ බව ජනාධිපති මාධ්‍ය අංශය වැඩි දුරටත් සදහන් කරයි.

Related posts

සිවාජිලිංගම් අත්අඩංගුවට ගන්න එහෙම හදිසියේ බෑ.. උසාවි නියෝගය කඩකලාදැයි හරියටම බැලිය යුතුයි..

colombotoday

“පිං කැටවල මුදල් ගණන් කිරීම සාමාන්‍ය දෙයක්“ – බුද්ධ ශාසන අමාත්‍යාංශය

colombotoday

“මේ අවසන් අවස්ථාවයි, නිවැරදි පුද්ගලයා පත් නොකළොත් ජාතියත්, ආගමත් ඉවරයි“ – අස්ගිරි නාහිමි

colombotoday

තරුණයෙකුගේ මළසිරුරක් බෝක්කුවක් අසලන් හමු වෙයි

Admin

IOC ඉන්ධන මිලත් අද රාත්‍රීයේ සිට පහළට

Admin

අධිකරණ අමාත්‍යාංශයේ රැකියා දෙන බවට පුද්ගලයින් රවටා කළ ජාවාරමක් හෙළිවේ

colombotoday