දැන් පිළිතුරු සෙවිය යුත්තේ ජනතාව මුහුණ දී සිටින පීඩනයට නමුත් ආණ්ඩුවේ පිළිතුර වී තිබෙන්නේ පීඩනයට එරෙහිව මර්දනය ක්‍රියාත්මක කිරීම යැයි ජාතික ජන බලවේගයේ කොළඹ දිස්ත්‍රික් මන්ත්‍රී අනුර දිසානායක මහතා අද (8)දින පාර්ලිමේන්තුවේදී පැවසීය.
මර්දනය පැවැත්මේ සාධකය බවට පත් කරගත් ලෝක නායකයන් ඉතිහාසයේ කුණු ගොඩට වැටී තිබෙන බවද දිසානායක මහතා සඳහන් කළේය.
රටේ වත්මන් තත්වය පිළිබඳ පාර්ලිමේන්තු විවාදය අරඹමින් අනුර දිසානායක මහතා කීවේ කුණු ගොඩට වැටුණු ඉතිහාසයක් ශ්‍රී ලංකාවට කිසිසේත් අපේක්ෂා කරන්නේ නැති බවයි.
මේක නිකං සෝමාලියා නැවක් අල්ලගත්ත හොර කණ්ඩායමක් වගේ යැයි කී දිසානායක මහතා අන්තරේ කැඳවුම්කරු ඇතුළු භික්ෂූන් වහන්සේ රඳවාගෙන සිටින හේතුවක් කියන්නැයි අභියෝග කරන බවද කීය. ජනතා නැගිටීම මර්දනය කිරීම සඳහා ගන්නා හැම ක්‍රියාමාර්ගයක් නිසාම රට ලෝකයේ හුදෙකලාවට පත්වෙන බවද අනුර දිසානායක මහතා පැවසීය.
අද අවධානය යොමු කරන්නේ ආර්ථිකයේ ඉහළ සාධක මත පමණක් බවද ලංකාවෙි සංඛ්‍යා දත්ත යනු ඇත්ත තත්ත්වය වසන් කිරීම සඳහා තිබෙන දෙයක් බවද දිසානායක මහතා කීය.
මෙි සංඛ්‍යා දත්තවලින් ඇත්ත තත්ත්වය පිළිඹිබු වන්නේ නැති අතර ආණ්ඩුවට රැකියා උත්පාදනය කරන සැලසුමක් නැතැයි ද ඒ නිසා විශාල සමාජ අසහනයකට මුහුණ දී තිබෙන බවද අනුර දිසානායක මහතා සඳහන් කළේය.