දිවයින පුරා මේ දිනවල වෛරස් රෝගයක් පැතිර යමින් පවතින බව නියෝජ්‍ය සෞඛ්‍ය සේවා අධ්‍යක්ෂ විශේෂඥ වෛද්‍ය හේමන්ත හේරත් මහතා පවසයි.
මෙම වෛරස් රෝගය ඉන්ෆ්ලුවෙන්සා හා සමාන රෝග ලක්ෂණ ඇති බව ඔහු සඳහන් කළේය.
කොවිඩ් රෝගය හා සැසඳීමේදී මෙම රෝගයෙන් සංකූලතා ඇති වීම සාපේක්ෂව අවම බව ත් රෝගී තත්ත්වය උත්සන්න වීමක් සිදු වන්නේ නම්, පමණක් වෛද්‍ය උපදෙස් ලබා ගැනීම සිදු කළ යුතු බව ත් විශේෂඥ වෛද්‍ය හේමන්ත හේරත් මහතා පවසයි.
සෙම්ප්‍රතිශ්‍යාව, කැස්ස, උණ වැනි රෝග ලක්ෂණ සහිත මෙම රෝගය පුද්ගලයෙකුගෙන් පුද්ගලයෙකුට බෝ වීමේ අවදානමක් ද පවතින බැවින් නිසි සෞඛ්‍ය උපදෙස් පිළිපැදීම අත්‍යවශ්‍ය බව ඔහු වැඩිදුරට ත් සඳහන් කර සිටී.