ත්රස්තවාදය වැළැක්වීමේ පනත යල්පැන ගොස් ඇති බවත් එය ඉවත් කර ජාත්‍යන්තර ත්‍රස්තවාදයට මුහුණ දිය හැකි නව නීති ගෙන එන බව අගමැති රනිල් වික්‍රමසිංහ මහතා පවසයි.
ජාතික තෛපොංගල් දින සැමරුමට අද එක්වෙමින් අග‍්‍රාමාත්‍යවරයා මේ බව කියා සිටියා.
“ත්රස්තවාදය වැළැක්වීමේ පනත දැන් යල් පැනපු පනතක්. ඒක ඉවත් කරලා අපිට අනාගතේ ජාත්‍යන්තර වශයෙන් ඉන්න ත්‍රස්තවාද ප්‍රශ්න තියෙන්න පුළුවන්, ලංකාවේ තියෙන එකක් නැහැ. ඒකට උවමනා වුනොත් අපි එක්සත් රාජධානියේ නීතියට අනුකූල නීතියක් ඉදිරිපත් කරන්න බලාපොරොත්තු වෙනවා”.
උතුරු පළාත් ජනතාවගේ ඉඩම් ගැටලූවට කඩිනමින් විසඳුම් ලබාදෙන බවද අග‍්‍රාමාත්‍යවරයා මෙහිදී ප‍්‍රකාශ කළා.