Colombo Today Local News

පැමිණිල්ලක් කරන්න ගිය කතකගේ ඇඟිලි කැඩෙන්න ගහලා.. රාගල පොලිස් මුරපොළකින් අංගුලිමාල අභ්‍යාසයක්

පැමිණිල්ලක්‌ කිරීම සඳහා රාගල බෲක්‌ සයිඩ් පොලිස්‌ මුරපළට ගොස්‌ රාගල පොලිසියේ දුරකථන අංකය ඉල්ලා සිටි කාන්තාවකට එහි නිලධාරින් සිදු කළ පහරදීමකින් ඇගේ එක්‌ අතක ඇඟිලි දෙකක්‌ කැඩී නුවරඑළිය මූලික රෝහලට ඇතුළත් කර තිබේ.

රෝහල්ගත කිරීමෙන් පසු ඇගේ එක්‌ ඇඟිල්ලකට ශල්‍ය කර්මයක්‌ සිදු කළ බව රෝහල් ප්‍රකාශකයෙක්‌ සඳහන් කළේය. ඩබ්. ආර්. ද සිල්වා නමැති රාගල ප්‍රදේශයේ පදිංචිකාරියක වන මෙම කාන්තාව ඉකුත් 08 වැනිදා කිසියම් කාර්යයකට බස්‌ රථයකින් නුවරඑළිය නගරයට ගොස්‌ ඇත.

එහිදී ඇය බස්‌ රථයේ කොන්දොස්‌තරවරයාට ලබා දුන් රුපියල් දහසට අදාළ ඉතිරි මුදල් ලබා නොදීමේ සිද්ධියක්‌ මුල් කර ගනිමින් නුවරඑළිය නගරය මැද බිම වාඩි වී විරෝධතාවක යෙදී තිබේ.

මේ අවස්‌ථාවේ එහි පැමිණි කාන්තා පොලිස්‌ නිලධාරිනියක සහ තවත් කාන්තාවන් දෙදෙනකු එක්‌ව ඇය ත්‍රිරෝද රථයක නංවාගෙන ඇගේ නිවසට ගොස්‌ ඇරලවා ඇති අතර ඉන් උරණ වූ කාන්තාව පසුදා පැමිණිල්ලක්‌ කිරීම සඳහා බෲක්‌සයිඩ් පොලිස්‌ මුරපොළට ගොස්‌ රාගල පොලිසියේ දුරකථන අංකය ඉල්ලා ඇත.

එහිදී ඇති වූ බහින්බස්‌ වීමකදී පොලිස්‌ මුරපළේ සිටි නිලධාරින් තමන්ට පහර දුන් බව එම කාන්තාව නුවරඑළිය රෝහල් පොලිසියට පැමිණිලි කර ඇත.

මේ සම්බන්ධයෙන් රාගල පොලිස්‌ ස්‌ථානාධිපතිවරයාගෙන් කළ විමසීමකදි එම කාන්තාව රෝහල් පොලිසියට සිදු කළ පැමිණිල්ලට අනුව විමර්ශනයක්‌ ආරම්භ කර ඇති බව සඳහන් කළේය.

දිවයින

Related posts

උදයංග වීරතුංග අල්ලන්න ඉන්ටර්පෝල් වරෙන්තුවක් !

colombotoday

දෙහිවල ශ්‍රීලනිප සංවිධායක ධුරය ෆයිසර් මුස්තාපාට !!

colombotoday

බොදු බලේ ගැන පත්තරේ කොමිෂන් සභා නිර්දේශ ගැන කියන කතා ඇත්තද? | පාස්කු කොමිෂන් වාර්තාවේ පිටපතක් බොදු බලය ඉල්ලයි.

colombotoday

ගවයන් 7ක් මරා, 4ක් එළොව යැවූ පල්ලියේ පාටියේ කෝකියෝ දෙන්නා රිමාන්ඩ්

colombotoday

ඇමැතිවරුන්ට ගුවන් යානාදීම නවතයි

colombotoday

ලංකාවේ ඉදිවූ “ලොව ප්‍රථම ගව අනාථාගාරයට” ඔබේ උදව් අවශ්‍යයි

colombotoday