මැණික් සෙවීමේ අරමුණින් පතලක් කපමින් සිටි පුද්ගයෙක් එම පතලේ පස් කණ්ඩියක් කඩාවැටී එයට යටවී මියගොස් තිබේ.
එසේ මියගොස් ඇත්තේ, 58 හැවිරිදි ගල්ලෑල්ල, රත්නපුර ප්‍රදේශයේ පදිංචිකරුවෙකි.
ඊයේ (20) දහවල් කාලයේ දී අදාළ පුද්ගලයා විසින් වේවැල්වත්ත, දෙමෝදර ප්‍රදේශයේ හපුගස්තැන්න වතුයායට අයත් ඉඩමක පතල් කපමින් සිටියදී එම අනතුර සිදුව ඇත.
පතලේ අඩි අටක පමණ ගැඹුරේ මෙම පුද්ගලයා ඉල්ලම් කඩමින් සිටියදී පස් කණ්ඩියක් මෙම පුද්ගලයා මතට කඩාවැටී ඇති බව පොලීසිය පවසයි.
පසුව ගල්ලෑල්ල රෝහල වෙත රැගෙන යන අතරතුරදී මෙම පුද්ගලයා මියගොස් ඇත.
සිද්ධිය සම්බන්ධයෙන් වේවැල්වත්ත පොලීසිය වැඩිදුර විමර්ශන සිදුකරයි.