Colombo Today Local News

ඇස් ඇර, මොළය පාවිච්චි කර සහය දෙන්න – 22 ගැන අධිකරණ ඇමතිගෙන් ප්‍රකාශයක්

විසිදෙවැනි ආණ්ඩුක්‍රම ව්‍යවස්ථා සංශෝධනය රට ගැන සිතමින් රට වෙනුවෙන් ඉදිරිපත් කළ සංශෝධනයක් මිස පක්ෂයක්,කණ්ඩායමක් හෝ මන්ත්‍රීවරුන් ගැන සිතා ගෙන ආ එකක් නොවන බව අධිකරණ, බන්ධනාගාර ප්‍රතිසංස්කරණ හා ව්‍යවස්ථා සම්පාදක කටයුතු අමාත්‍ය ආචාර්ය විජයදාස රාජපක්ෂ මහතා පාර්ලිමේන්තුවේදී අද (06)දින පැවසීය.

ප්‍රජාත්‍රන්තවාදී පැවැත්ම සහ පාර්ලිමේන්තු ක්‍රමය ආරක්ෂා කිරීමට අවශ්‍ය නම් ඇස් ඇර, මොළය පාවිච්චි කර මෙම අණ්ඩුක්‍රම ව්‍යවස්ථා සංශෝධනයට සහය දෙන ලෙස මහජන නියෝජිතයින්ගෙන් ඉල්ලා සිටින බවද ඔහු පැවසීය.

ඔහු මෙසේ පැවසුවේ විසි දෙවෙනි ආන්ඩුක්‍රම ආණ්ඩුක්‍රම ව්‍යවස්ථා සංශෝධන පනත් කෙටුම්පත සම්බන්ධයෙන් සංවාදයක් ඇති වූ අවස්ථාවේදීය.

ජනතාවගේ හැගීම් තේරුම් නොගනිමින් මහජන නියෝජිතයින් කටයුතු කරන්නේ නම් එහි ප්‍රතිවිපාක රටේ අසරණ ජනතාවට භුක්ති විඳීමට සිදුවන බවද විජයදාස රාජපක්ෂ මහතා සඳහන් කළේය.

ජාත්‍යන්තර මූල්‍ය අරමුදලේ නියෝජිතයින් පවා මෙරට ප්‍රජාතන්ත්‍රවාදි ප්‍රතිසංස්කරණ වෙනුවෙන් ගෙන එන සංශෝධන සම්බන්ධයෙන් විමසිල්ලෙන් සිටින බවත් පොදු මහජනතාවගේ හිතසුව පිණිස ගෙන එන ප්‍රජාතන්ත්‍රවාදි ප්‍රතිසංස්කරණ වලට සහය ලබාදෙන ලෙස නැවත වතාවක් ඉල්ලා සිටින බවත් ඔහු පැවසීය.

Related posts

නව ගුවන් හමුදාපති ජනපති හමුවෙයි

Admin

“බුදුන්ට පිදූ බිමේ බුදු පිළිමයක් හදන්න වැලි කැටයක් ගන්න අපට අවසර නැද්ද”

colombotoday

LTTE ය තවදුරටත් සක්‍රීයයි… ත්‍රස්ත සංවිධානයක් ලෙස ඇමරිකාව නම් කරයි…

colombotoday

රාජිතට කොරෝනා

colombotoday

වාහන අංක තහඩුවේ පළාත් අක්ෂර ඉවත් කරයි : පවතින ලියාපදිංචිය වෙනස් කරන්න ගාස්තු ඉල්ලයි

Admin

ජන බලවේගයට තවත් දෙදෙනෙක්

Admin