රෝගි සත්කාර සේවා සඳහා මාස දෙකකට ප්‍රමාණවත් සේලයින් තොග වෛද්‍ය සැපයුම් අංශය සතුව ඇති බව සෞඛ්‍ය අමාත්‍යංශය පවසයි.
රෝහල් සතුව මසකට ප්‍රමාණවත් සේලයින් නොමැති බව හිටපු සෞඛ්‍ය ඇමති රාජිත සේනාරත්න පාර්ලිමේන්තුවේදි පෙරේදා(29)දින ප්‍රකාශ කළේය.
එය අසත්‍ය ප්‍රකාශයක් බව සෞඛ්‍ය අමාත්‍යංශය අවධාරණය කර සිටියි. මහනුවර පල්ලෙකැලේ පිහිටි සේලයින් කර්මාන්ත ශාලාව සතුව සේලයින් බෝතල් ලක්ෂ දොළහක් සහ සෞඛ්‍ය අමාත්‍යංශයේ වෛද්‍ය සැපයුම් අංශය සතුව සේලයින් බෝතල් ලක්ෂ දොළහක් ඇති බවත් ඉදිරි කාලයේදි රෝහල් සඳහා අවශ්‍ය සේලයින් මෙරට නිෂ්පාදනය කර ලබාදිමට හැකියාව පවතින බවද සෞඛ්‍ය අමාත්‍යංශය අවධාරණය කර සිටි.
එම නිසා රෝහල් තුළ සේලයින් හිඟයක් පවතින බවට පළවන ප්‍රකාශ අසත්‍ය බව සෞඛ්‍ය අමාත්‍යංශය වැඩිදුරටත් සඳහන් කරයි.