Colombo Today Local News

ජන රැලිය නිසා කොවිඩ් රැල්ලක් ආවොත් වගකීම විපක්ෂය බාරගත යුතුයි

සමගි ජන බලවේගය පැවැත්වූ ජන රැලිය නිසා කොවිඩ් රැල්ලක් පැමිණ රට නැවත වසා දැමීමට සිදු වුවහොත් එහි වගකීම විපක්ෂය බාරගත යුතු යැයි මහජන ආරක්ෂක අමාත්‍ය විශ්‍රාමික රියර් අද්මිරාල් සරත් වීරසේකර මහතා පාර්ලිමේන්තුවේදී අද (17)දින පැවැසීය.

සෞඛ්‍ය අංශ අනුමත කර නැති අවස්ථාවක මෙවැනි උද්ඝෝෂණ පැවැත්වීම ඉතා වැරදි ක්‍රියාවක් බවද හෙතෙම සඳහන් කළේය.

ඔහු මෙසේ පැවසූ විසර්ජන පනත් කෙටුම්පත පිළිබඳ දෙවැනි වර කියවීමේ විවාදයේදීය.

පොලිසිය වැඩ කරන්නේ දේශපාලඥයන්ගේ නියෝග මත නොවන බවත් පොලිසිය මේ අවස්ථාවේදී වැඩ කරන්නේ සෞඛ්‍ය බලධාරීන්ගේ උපදෙස් අනුව බවත් වීරසේකර මහතා කීවේය.

ලොකු කාර්යභාරයක් කරන පොලිස් නිලධාරීන්ට අවමන් කිරීම ඉතා වැරදි බව පැවසූ අමාත්‍යවරයා පොලීසියේ ආත්ම ගෞරවය කෙළෙසන අයට කිසිදු සමාවක් නොදෙන බවද සඳහන් කළේය.

පොලීසිය කරන්නේ ඉතාම දුෂ්කර කාර්යයක් බවත් කොරෝනා මර්දන කටයුතුවලදී සහ උද්ඝෝෂණ නැවැත්වීමට යෑමේදී පොලිස් නිලධාරීන් පහළොස් දහස් හත් සියයකට කොවිඩ් ආසාදනයවූ බවත් ඔහු පැවසීය.

කොවිඩ් ආසාදනය වීමෙන් පොලිස් නිලධාරීන් 44 දෙනකු මිය ගොස් ඇතැයිද සරත් වීරසේකර මහතා කීවේය.

රට ගැන අංශු මාත්‍රයක් හෝ හැඟීමක් තිබේ නම් මෙවැනි ජන රැලි නවත්වා රට ගොඩනැගීමට වැදගත් දේශපාලඥයන් ලෙස රජයට සහය දක්වන්නැයි විපක්ෂයෙන් ඉල්ලීමක් කරන බවද ඔහු ප්‍රකාශ කළේය.

Related posts

‘නව ව්‍යවස්ථාවක් එපා‘ – මහානාහිමි මතය සමග ශ්‍රීලනිපයත් හිටගනී !!

colombotoday

25 වැනිදා සියලුම සුරාසල් වසා තැබේ

colombotoday

තවදුරටත් වැසි සහිත කාලගුණයක්

colombotoday

ඥානසාර හිමි කිවුව දේවල් සනාථ වුනා. වහාම නිදහස් විය යුතුයි – පා.ම තිලංග සුමතිපාල මහතා පවසයි

colombotoday

මම තනිවෙලා නෑ… ජනතාවගෙන් 90%ක් මා සමගයි – ජනපති

colombotoday

අරලිය ගහ මන්දිරයෙ අහඹු PCR පරීක්ෂාවක්

colombotoday