නවක වදය ගැන ලැබෙන පැමිණිලි සම්බන්ධයෙන් පරීක්ෂණ පැවැත්වීම අපරාධ පරීක්ෂණ දෙපාර්තමේන්තුව වෙත පවරා ඇත.
පොලිස් මාධ්‍ය කොට්ඨාසය නිවේදනයක් නිකුත් කරමින් ප්‍රකාශ කර සිටින්නේ පොලිස්පතිවරයාගේ නියෝගයකට අනුව මෙම තීරණය ගෙන ඇති බවය.
ඒ අනුව මින් ඉදිරියට නවක වදය සම්බන්ධයෙන් පොලිස් ස්ථාන වෙත ලැබෙන පැමිණිලි විමර්ශනය සඳහා CID භාරයට යොමුකළ යුතු බවට නියෝග කරමින් පොලිස්පතිවරයා විසින් මේ වනවිට සියලුම ජ්‍යෙෂ්ඨ පොලිස් නිලධාරීන් වෙත දැනුම්දීමක් ද සිදුකර ඇත.