මිනුවන්ගොඩ ප්‍රදේශයේදී තිදෙනෙකු ඝාතනය කිරීමේ සිදුවීමට අදාළව සැකකරුවන් තිදෙනෙකු අත්අඩංගුවට ගත් බව පොලිසිය පවසයි.
පොලිසිය වැඩිදුරටත් සඳහන් කළේ, සිදුකළ මෙහෙයුමකින් අනතුරුව මොවුන් තිදෙනා ගලේවෙල ප්‍රදේශයේදී අත්අඩංගුවට ගත් බවයි.
මිනුවන්ගොඩ ගමන්ගෙදර ප්‍රදේශයේ නිවසක් තුළ එකම පවුලේ පියා සහ පුතුන් දෙදෙනෙකු ඝාතනය කරනු ලැබුවේ අද(06) පෙරවරුවේ වන අතර මෙය කලක පටන් පැවති ආරවුලක් මත සිදුවූවක් බවටද අනාවරණය වී තිබේ.