ජනාධිපති මෛතී‍්‍රපාල සිරිසේන මහතාගේ පදවි ප‍්‍රාප්තයේ පළමු සංවත්සරය සහ යහපාලන සතිය සැමරීම සදහා ඉන්ධන මිළ. අඩු කරන්නැයි යෝජනා ඉදිරිපත් වී තිබෙනවා.
මේ වන විට ලෝක වෙළද පොලේ බොරතෙල් මිළ කැපී පෙනෙන ලෙස අඩු වී ඇතැයිද පෙන්වා දෙන පාරිභෝගික අයිතීන් සුරැකීමේ ජනතා ව්‍යාපාරය ආණ්ඩුවෙන් මෙම ඉල්ලීම සිදු කරනවා.
යහපාලන සතිය සැමරීම සදහා ජනතාවට එක් වන්නැයි එක්සත් ජාතික පක්ෂ මහලේකම්වරයා සිදු කළ ප්‍රකාශය පිළිබඳව පාරිභෝගික අයිතීන් සුරැකීමේ ජනතා ව්‍යාපාරයේ සභාපති රංජිත් විතානගේ මහතා පවසන්නේ යහපාලනයෙන් එතුමන්ලට තරම් ජනතාවට වරප්‍රසාද ලැබී නොමැති බවයි.
මේ අතර ලෝක වෙළදපලේ බොරතෙල් බැරලය ඩොලර් 35 සීමාවේ පවතින අද වන විට දේශීය වෙළඳපලේ සංස්ථාවේ ලාභයද සහිතව බදු රහිතව පෙට‍්‍රල් ලීටරයක් රුපියල් 65ක් හා ඞීසල් ලීටරයක් රුපියල් 70 මිලටත් දිය හැකි යයිද ඛණිජතෙල් සංස්ථාවේ ආරංචි මාර්ග සදහන් කරයි.
ලෝක වෙළද පොලේ බොරතෙල් මිල අඩුවීමේ වාසිය පාරිභෝගිකයන්ට ලබාදීම සදහා මිළ සූත‍්‍රයක් සකස් කරන බවයි ඛනිජ තෙල් හා පෙට්ට්‍රෝලයම් වායු පිළිබද අමාත්‍ය චන්දිම වීරක්කොඩි මහතා මීට පෙර ප‍්‍රකාශ කළේ.එසේ වුවත් නව මිල සූත‍්‍රයෙන් වත්මන් පෙට‍්‍රල් ලීටරයක මිල වන 117 කිසිසේත්ම අඩු නොවන්නේ යයිද ඛණිජතෙල් සංස්ථා ආරංචි මාර්ග සදහන් කරයි.