Colombo Today Local News

තේ වේල ප්‍රමාද කර පාර්ලිමේන්තුවේ පාන් දීලා කාර්යමණ්ඩලය නොසතුටින්

ශ්‍රී ලංකා පාර්ලිමේන්තුවේ කාර්යමණ්ඩලයට පසුගිය දිනෙක ලැබුණු ආහාර වේලක් සම්බන්ධයෙන් පාර්ලිමේන්තුවේ සමස්ත කාර්ය මණ්ඩලයම මහත් නොසතුටට පත්ව සිටින බව වාර්තා වේ.

පාර්ලිමේන්තුව පැවැත්වෙන දිනවල පස්වරු 5.00 ට පමණ දෙනු ලබන සවස තේ වේල එදින පස්වරු 6.00 දක්වා ප්‍රමාද කර තිබේ. පසුව පාන් සමග සැමන් සම්බෝලයක් දීම හේතුවෙන් පාර්ලිමේන්තු සේවකයෝ මහත් අප්‍රසාදයට පත්ව සිටිති. පාර්ලිමේන්තු කාර්ය මණ්ඩලයේ සේවකයන් අතර මස් – මාළු හෝ උම්බලකඩ ආහාරයට නොගන්නා අය බොහෝ දෙනකු සිටින බැවින් ඔවුන්ට සිදුවී ඇත්තේ පාන් පමණක් ආහාරයට ගැනීමටය.

පාර්ලිමේන්තු රැස්වීම් රාත්‍රී 8.00 වනතුරු පැවැත්වෙන්නේ නම් පාර්ලිමේන්තු කාර්ය මණ්ඩලයට රාත්‍රී ආහාර දිය යුතු යයි නියමව ඇත. එහෙත් මෙම පාන් සහ සැමන් සම්බෝලය දුන් දා රාත්‍රී 9.00 වන තුරුත් පාර්ලිමේන්තු රැස්වීම පැවැත්වී තිබේ.

සාමාන්‍ය ක්‍රමවේදය වන්නේ පාර්ලිමේන්තු රැස්වීම රාත්‍රී වන තුරු පැවැත්වෙන්නේද යන්න පාර්ලිමේන්තු ලේකම් කාර්යාලයෙන් විමසා බලා අවශ්‍ය පරිදි රාත්‍රී ආහාරය පිළියෙළ කිරීමයි. එහෙත් එදින එවැන්නක් සිදු නොවීම හේතුවෙන් පාර්ලිමේන්තු සේවයකන් රාත්‍රී 11.00 ට පමණ නිවසට යන තුරුම කුසගින්නේ සිටීමට සිදුවී තිබේ.

දිනකට රුපියල් ලක්ෂ ගණනක් අපතේ යවන පාර්ලිමේන්තුව තම සේවකයන් කෙරේ දක්වන නොසැලකිල්ල සම්බන්ධයෙන් ඔව්හු කළකිරීමට පත්ව සිටිති.

Related posts

පොදු ප්‍රවාහනයට ප්‍රමුඛතාවය ලබාදෙමින් බස් වලට තෙල් දෙන්න අලුත් ක්‍රමයක්

colombotoday

“හිරිකිතයි, ලැජ්ජයි, ද්‍රෝහියෝ වෙනවා” – මේජර් ජෙනරාල් කමල් ගුණරත්න සංහිදිය ආණ්ඩුව පට්ටගසයි

colombotoday

විදුලි බිල නගී.. 66% ගාස්තු සංශෝධනයට බිල වැඩි වෙන්නේ මෙහෙමයි

Admin

තොග මිල සිල්ලර මිලට වඩා ඉහළයෑමෙන් සිල්ලර වෙළෙඳුන් සහල් විකිණීම නතර කරති

colombotoday

අද පස්වරුවේ දේශපාලන පෙරළියක් !

colombotoday

“හිටපු ජනපති මහින්ද නමිනුත් උදාගමක් නම් කරනවා” – සජිත්

colombotoday