Colombo Today Local News

ෆේස් බුක් සටහනකට ප්‍රතිචාර දැක්වූ දකුණු පළාත් පාලන කොමසාරිස්ට එරෙහිව පරීක්ෂණයක්

මැතිවරණ කොමිසන් සභාවේ තීරණයක් වැරදි බව දක්වමින් පළ වූ ෆේස් බුක් සටහනකට ප්‍රතිචාර දැක්වූ දකුණු පළාත්, පළාත් පාලන කොමසාරිස් සේනක පල්ලියගුරු මහතා සම්බන්ධයෙන් විනය ක්‍රියාමාර්ග ගන්නා ලෙස මැතිවරණ කොමිෂන් සභාව රාජ්‍ය පරිපාලන අමාත්‍යාංශයේ ලේකම් වෙත දැනුම් දී තිබේ.

මැතිවරණ කොමිෂන් සභාව දිගින් දිගටම පළාත් පාලන කොමසාරිස්වරුන් වෙත බලපෑම් කිරීම පිළිබඳ කඩුවෙල හිටපු නාගරිසක කොමසාරිස් ගාමිණි ගුණසේකර සිය ෆෙස් බුක් ගිණුමේ සටහනක් මඟින් සඳහන් කර ඇත.

එයට දකුණු පළාත්, පළාත් පාලන කොමසාරිස්වරයා විසින් සිය පෞද්ගලික අදහස් එකතු කර තිබේ.

කෙසේ වෙතත් මේ සම්බන්ධයෙන් නිවේදනයක් නිකුත් කරමින් හිටපු ආණ්ඩුකාර කීර්ති තෙන්නකෝන් මහතා සඳහන් කර ඇත්තේ මැතිවරණ කොමිෂන් සභාව, ඕනෑම රාජ්‍ය සේවකයෙකු වෙත ලබා දෙන නීත්‍යානුකූල නොවන නියෝග/උපදෙස් ක්‍රියාත්මක නොකර සිටීමට කණිෂ්ඨ නිලධාරීන්ට අයිතියක් ඇති බවය.

මන්ද, බාහිර බලපෑමක් නිදහසට කරුණක් ලෙස ඉදිරිපත් කිරීමට කිසිදු රාජ්‍ය නිලධාරියෙකුට හැකියාවක් නොමැති බවද ඒ මහතා සිය නිවේදනයෙන් පෙන්වා දෙයි.

මේ සම්බන්ධයෙන් මැතිවරණ කොමිෂන් සභාව වෙනුවෙන් මැතිවරණ කොමසාරිස් ජනරාල් සමන් ශ්‍රී රත්නායක මහතා විසින් රාජ්‍ය පරිපාලන අමාත්‍යාංශයේ ලේකම්වරයා වෙත ලිපියක් මාර්ගයෙන් දැනුම් දී තිබේ.

එහි දැකවෙන පරිදි මෙම කර්තවය මැතිවරණයක් පැවැත් වීමේ ක්‍රියාවලියට කරනු ලබන බාධාවක් හා අවහිරයක් ලෙස මැතිවරණ කොමිෂන් සභාව සැලකිල්ලට ගෙන ඇතැයි ද දක්වා තිබේ.

එමෙන්ම මෙවැනි ක්‍රියා අනෙකුත් රාජ්‍ය නිලධාරීන්ට වැරදි පූර්වාදර්ශයක් සැපයීමක් මෙන්ම රාජ්‍ය පාලනයට අහිතකර තත්ත්වයක් බවද පෙන්වා දී ඇති සමන් ශ්‍රී රත්නායක මහතා, මේ සම්බන්ධයෙන් දකුණු පළාත්, පළාත් පාලන කොමසාරිස්වරයාගෙන් කරුණු විමසීමක් සිදු කිරීම සුදුසු බවත් ඒ පිළිබඳව කොමිෂන් සභාව දැනුවත් කරන ලෙස ද සඳහන් කර ඇත.

Related posts

ඊශ්‍රායල් දරුවන් සහ ගැබිනියන් මරන්න ෆත්වා දුන් යූසුෆ් අල් කර්දාවී ආගමික විද්වතෙක්. මුස්ලිම් කවුන්සිලයේ අමීන් කියයි.

colombotoday

සමගි ජන බලවේගයත් එකතු කරගෙන රනිල් ආණ්ඩුව එක්ක හැප්පෙන්න යයි.

colombotoday

වරාය වෘත්තිය සමිති සහ අගමැති අතර අද සාකච්ඡාවක්

colombotoday

ලොව සතුටින්ම සිටින රටවල් අතරින් ලංකාව තවදුරටත් පහලට ඇද වැටේ

colombotoday

චාවකච්චේරි බෝම්බකරු එඩ්වඩ් ජූලියන්, ප්‍රභාකරන්ගේ සමීප සගයෙක් !

colombotoday

ජනපති තනියෙන් දුම්රියක ‘හිටං’ ගිය හැටි

colombotoday