Colombo Today Local News

හිටපු සේනාධිනායකයා ඇතුළු දේශපාලකයන් නීතිය හමුවට ගෙන ආ යුතුයි

පාස්කු ප්‍රහාරයේ පරීක්ෂණවලට අදාළව බරපතළ ලෙස යුතුකම් පැහැර හැරිය බවට චෝදනා එල්ල වන හිටපු සේනාධිනායකයා ඇතුළු දේශපාලකයන්ද ආරක්ෂක අංශවල ඇතැම් අය ගැන ද විභාග කර ඔවුන් නීතිය හමුවට ගෙන ආ යුතු බව මැල්කම් රංජිත් කාදිනල් තුමා පවසයි.

ප්‍රහාරයෙන් මියගිය හා තුවාල වූ සියලුදෙනා වෙනුවෙන් අපේ යුතුකම වන්නේ මෙම බෝම්බ ප්‍රහාරය පිටුපස සිටි අපරාධකරුවන් සහ එය සැලසුම් කළ අය ජනතාවට හෙළිදරව් කිරීමයි. ප්‍රහාරය සිදුව වසරයි. එහෙත් අපරාධකරුවන් හෙළිදරව් වී නැහැ යැයිද කාදිනල් තුමා සඳහන් කරයි.

පාස්කු ප්‍රහාරයට වසරක් පිරීම නිමිත්තෙන් විශේෂ පණිවුඩයක් නිකුත් කරමින් කාදිනල් තුමා මේ බව පැවසීය.

ප්‍රහාරය මෙහෙය වූ අයගේ සැලැස්ම වූයේ ජාතිවාදී, ආගම්වාදී අරගලයක් රටේ ඇති කර විදේශීය බලවේගවලට මෙහි ඇඟිලි ගැසීමට ඉඩ සලස්වාදීමයි. එම අනතුර වැළකී ගිය බවද කළ යුත්තේ මෙම සිද්ධියේදී මියගිය අයට සහ තුවාල ලැබූ අය වෙනුවෙන් යාඥා කරමින් සහ පින් අනුමෝදන් කරමින් සහෝදරත්වය පෙන්වීම යැයිද කාදිනල් තුමා කියා සිටී.

ඕනෑම බිහිසුණු ඝාතනයක් සිදුකර රතු ඵලස යට සඟවන අයුක්ති සහගත සහ පාපතර සංස්කෘතිය අප රටෙන් දැන් නිමා කළ යුතු බවද කාදිනල් තුමා අදහස වෙයි.

ජනාධිපති කොමිසම මේ වනතුරු කර ඇති වැඩ කොටස අවංකවම අගය කරන කාදිනල් තුමා දැනට සිදු කරන විමර්ශන ද විනිවිධභාවයෙන් සහ විශ්වාසනීයත්වයෙන් යුතුව තවදුරටත් ගැඹුරින් සිදුවිය යුතු බවටද අවධාරණය කර සිටී.

Related posts

“වැරදි කතා එපා.. ෂැඩෝ කැබිනට්ටුව හැදුවේ මාස හයක් මහන්සි වෙලයි” – ෂැඩෝ ඇමති ඩලස්

colombotoday

බියර් මිල අඩු කළේ කසිප්පු, වල් රා බීම අඩු කරන්නයි.. දැන් ලාබෙට බියර් බොන්න පුළුවන් !

colombotoday

කෝටි ගානකට විද්ද ගුරොත් අහුවුණු ගුරෙක්ගේ හොරකම

colombotoday

ෆිච් රේටින්ග්ස් ශ්‍රේණිගත කිරීම මහ බැංකුව ප්‍රතික්ශේප කරයි….

colombotoday

විධායක බලතල අගමැතිට පැවරීමෙන් රටට වෙන දේ ගැන හිටපු ඇමති විජේදාස කියයි (Video)

colombotoday

ඔලුගෙඩි මාරුවක් වැඩක් නෑ.. ජනතාවට දැනෙන ප්‍රතිසංවිධානයක් ඕනෑ – මරික්කාර්

colombotoday