“සිංහලේ ජාතික සංවිධානය” නමැති ලියාපදිංචියක් නොමැති සංවිධානයක සභාපති ලෙස පෙනී සිටි සාලිය ටී රණවක නැමැත්තා තරුණයින්ට ජපානය ඇතුළු රටවල් කිහිපයක රැකියා ලබා දෙන බව පවසමින් මුදල් වංචාවක නියෙලී සිටින බව තායිලන්තයෙන් වාර්තා වෙනවා.
ජපානයට යවන බව පවසමින් සිංහල තරුණයින් විශාල ප්‍රමාණයක් තායිලන්තය වෙත ගෙනගොස් අතරමං කරදමා ඇති බව එසේ අතරමං වූ තරුණයෙක් Colombo Today වෙත ප්‍රකාශ කර සිටියා.
සාලිය රණවක නැමැත්තා බොදු බල සේනා සංවිධානයේ (ඥානසාර හිමිගේ) බාන්ඩාගාරික ලෙසද ව්‍යාජ ලෙස පෙනී සිටින බවයි වැඩිදුරටත් වාර්තා වන්නේ.
මේ පිළිබඳව බොදු බල සේනා සංවිධානයේ මාධ්‍ය අංශයෙන් අප සිදුකල විමසීමකදී සඳහන් කර සිටියේ “සාලිය රණවක” නැමැත්තාට එම සංවිධානය සමග කිසිදු සම්බන්ධයක් නොමැති බවයි.