ජනාධිපති විමර්ෂණ කොමිෂන් සභාවක්, ස්වාධීන පොලිස් කොමිෂමක් හා ස්වාධීන අල්ලස් කොමිසමක් ආදී ආයතන මේ වන විට ස්ථාපිත කර ඇති බැවින්, පොලිස් මූල්‍ය අපරාධ විමර්ශන කොට්ඨාශයේ (එෆ්.සී.අයි.ඞී) අවශ්‍යතාවයක් නැතැයි මුදල් රාජ්‍ය අමාත්‍ය ලක්‍ෂ්මන් යාපා අබේවර්ධන මහතා පැවසීය.
ජනාධිපති කොමිසම, ස්වාධීන පොලිස් කොමිසම වැනි ආයතනයන්ට වංචා දූෂණ පිළිබඳ විමර්ශන භාරදීමෙන් පොලිස් මූල්‍ය අපරාධ කොට්ඨාශය යොදාගෙන පෞද්ගලික පළිගැනීම් කරන බවට රජයට එල්ල වන චෝදනාද ඉවත් වනු ඇතැයි රාජ්‍ය අමාත්‍යවරයා සඳහන් කළේය.
මෙය තමන්ගේ මතය බව පැවසූ රාජ්‍ය අමාත්‍යවරයා පක්‍ෂයේ අනෙකුත් අය දරන්නේත් මෙවන් මතයක් බවට තමා විශ්වාස කරන්නේ යැයි ද සඳහන් කළේය.
එමෙන්ම ශ්‍රී ලංකා නිදහස් පක්ෂය නොබෙදී ඉදිරියට යා යුතු බවට මේ වන විට ප‍්‍රාදේශීය මට්ටමින් මතයක් ඇති වෙමින් පවතින බවත් ඉදිරි පළාත් පාලන මැතිවරණයේ දී පක්ෂය නොබෙදී එයට ඉදිරිපත්වීම ස්ථිරවම සිදුවනු ඇති බවත් මුදල් රාජ්‍ය අමාත්‍ය ලක්‍ෂ්මන් යාපා අබේවර්ධන පැවසීය.
රාජ්‍ය අමාත්‍යවරයා මේ බව පැවසුවේ අමාත්‍යවරයා මේ බව පැවසුවේ කොළඹ, ඩාර්ලි පාරේ පිහිටි ශ්‍රී ලංකා නිදහස් පක්‍ෂ මූලස්ථානයේ අද (3) පැවති මාධ්‍ය හමුවක දීය.