තව්හිද් ජමාත් ත්රස්ත කල්ලිය විසින් නුවරඑළිය බ්ලැක්පූල් ප්‍ර දේශයේ පවත්වාගෙන ගිය පුහුණුවීම් කදවුරක් ආරක්ෂක අංශ විසින් අද (06) වටලනු ලැබුවා.
අම්පාරේ සයින්දමරුදුහි දී අත්අඩංගුවට ගත් අයි.එස්.අයි.එස් ත්‍රස්තවාදියෙකුගෙන් ප්‍රශ්න කිරීමේදී ලද තොරතුරක් මත දෙමහල් නිවසක පවත්වාගෙන ගිය මෙම කදවුර සොයා ගැනීමට සමත්ව තිබෙනවා.
මේ තුළ 38 දෙනෙකු පුහුණුව ලැබූ බවත්, ඊට සහරාන් හෂීම් ද සහභාගී වී ඇති බවත් 21 ඉරිදා ප්‍රහාරයට පෙර අවසන් වතාවට අප්‍රේල් 17 වනදා සහරාන්ගේද සහභාගීත්වයෙන් අවසන් පුහුණුවීම මෙහෙදී සිදුකර ඇති බවත් මූලික පරීක්ෂණවලදී අනාවරණය වී ඇත.
නුවරඑළිය බ්ලැක්පූල් හි ප්‍රධාන පාසලක් ඉදිරිපිට කූලි පදනම මත මෙම නිවස ලබාගෙන ඇති අතර, එම නිවසේ අයිතිකරු සහ තවත් අයෙක් අත්අඩංගුවට ගෙන තිබෙන බවයි වාර්තා වන්නේ.
