Colombo Today Local News

සම්පායෝ ඉදිරිපත් කළ ප්‍රතිශෝධන පෙත්සම විභාගයට අභියාචනාධිකරණයෙන් නියෝග

රක්ෂිත බන්ධනාගාර ගතකර සිටින තමන්ව ඇප මත මුදාහැර ලෙස ඉල්ලා හිටපු මීගමුව බන්ධනාගාර අධිකාරි අනුරුද්ධ සම්පායෝ මහතා ඉදිරිපත් කර තිබෙන ප්‍රතිශෝධන පෙත්සම විභාගයට ගැනීමට අභියාචනාධිකරණය නියෝග කර තිබේ.

ඒ අනුව අදාළ පෙත්සමේ වගඋත්තරකරුවන් ලෙස නම් කර සිටින වැඩබලන පොලිස්පති, අපරාධ පරීක්ෂණ දෙපාර්තමේන්තුවේ අධ්‍යක්ෂ සහ නීතිපතිවරයා ඇතුළු පාර්ශව වෙත ලබන සැප්තැම්බර් මස 21 වන දා මේ සම්බන්ධයෙන් කරුණු දක්වන්නැයි දන්වා නොතීසි නිකුත් කරන ලෙස ද අභියාචනාධිකරණය නියෝග කළේය.

තමන්ව ඇප මත මුදාහරින ලෙස ඉල්ලමින් සිය නීතිඥවරු ඇප අයදුම් පත්‍රයක් ඉදිරිපත් කළ ද එය ප්‍රතික්ෂේප කිරීමට මීගමුව මහෙස්ත්‍රාත් අධිකරණය තීරණය කර ඇතැයි පෙත්සම්කාර සම්පායෝ මහතා පෙන්වා දෙයි.

ඒ අනුව තමන්ව ඇප මත මුදා හැරීම ප්‍රතික්ෂේප කරමින් මීගමුව මහෙස්ත්‍රාත් අධිකරණය විසින් නිකුත් කර තිබෙන නියෝගය ප්‍රතිශෝධනය කර තමන්ම ඇප මත මුදා හරින ලෙස නියෝගයක් නිකුත් කරන්නැයි ඉල්ලමින් ඔහු අභියාචනාධිකරණය වෙත මෙම ප්‍රතිශෝධන පෙත්සමක් ඉදිරිපත් කර තිබේ.

Related posts

නාලක සිල්වාට අනිවාර්ය නිවාඩු

colombotoday

ලොව දිනුවානම් ප්‍රතිලාභ කෝ? විදේශ ආයෝජන නෑ.. අපනයන ආදායම කඩා වැටිල.. පම්පෝරිය විතරයි

colombotoday

මුලතිව් ආරක්ෂක සේනා මූලස්ථාන කදවුර දෙකඩ කර, නන්දිකඩාල් යන්න පාරක් හදයි !

colombotoday

හුළං වලින් ගිගාවොට් 40ක් නිශ්පාදනය කරනවා

Admin

බදියුදීන් සහ කිරිඇල්ල පාස්කු කොමිසමේ පොලිස් ඒකකයට

colombotoday

රාජ්‍ය සේවකයාගේ ඡන්දය ඉල්ලීමේ අයිතිය අහෝසියි.. හීන් කෙදිරියක්වත් නැතිව ජවිපෙ අත උස්සයි

colombotoday