Colombo Today Local News

සජිත්ගේ ගම්උදාවෙන් රූපවාහිනියට කෝටි 10ක පොල්ලක් !

හිටපු නිවාස ඇමැති සජිත් ප්‍රේමදාස විසින් ක්‍රියාත්මක කළ ගම් උදාව ආදර්ශ ගම්මාන වැඩසටහනේ පූර්ව ප්‍රචාරණ දැන්වීම් විකාශය කිරීම වෙනුවෙන් ජාතික රූපවාහිනියට ගෙවිය යුතුව ඇති රුපියල් කෝටි 10කට අධික මුදලක් නොගෙවා පැහැර හැර ඇතැයි ජාතික විගණන කාර්යාලය ප්‍රකාශ කරයි.

අදාළ පූර්ව ප්‍රචාරණයන් පිළිබඳව විගණන කාර්යාලය සිදුකළ විගණන පරීක්ෂණයේදී මෙම කරුණු අනාවරණය වී ඇත.

ජාතික විගණන කාර්යාලයෙන් සිදුකර ඇති විමර්ශනයෙන් හෙළි වී ඇති ආකාරයට මෙලෙස ගම්උදාව ආදර්ශ ගම්මාන වෙනුවෙන් පළ කළ දැන්වීම් සඳහා ජාතික රූපවාහිනියට ගෙවිය යුතු මුදල් ප්‍රමාණය දසකෝටි තිස්අට ලක්ෂයකි.

එම මුදලින් ජාතික රූපවාහිනියට ගෙවා ඇත්තේ රුපියල් දෙලක්ෂ පනස්දහසක මුදලක් පමණි.

මෙම අක්‍රමිකතාව පිළිබඳව ජාතික විගණන කාර්යාලය ජාතික රූපවාහිනියේ සභාපතිවරයාගෙන් ලිපියක් මගින් විමසීමක් සිදුකර ඇත.

අදාළ මුදල් අයකර ගැනීම පිළිබඳ රූපවාහිනි සභාපතිවරයාගේ නිරීක්ෂණ 2019 දෙසැම්බර් 16 වැනි දින යොමුකළ ලිපියෙන් විමසා ඇත.

මෙම ලිපියෙන් අනාවරණය වන ආකාරයට අදාළ දැන්වීම් විකාශය සඳහා ජාතික රූපවාහිනිය අවිධිමත් ආකාරයෙන් එවකට නිවාස අමාත්‍යාංශයේ ලේකම්වරයා, ජනමාධ්‍ය අමාත්‍යාංශයේ ලේකම්වරයා සේම හිටපු නිවාස ඇමැති සජිත් ප්‍රේමදාසගේ පෞද්ගලික ලේකම් සමරසිංහ යන අය දැන්වීම් පළකරන ලෙස නියෝග යොමු කර ඇත.

කෙසේ වෙතත් මේ වන විට අදාළ රුපියල් කෝටි 10ක මුදල ආපසු අය කරගැනීමේ ක්‍රමවේදයක් නොමැති බවද ජාතික නිවාස සංවර්ධන අධිකාරියේ වාර්තා සඳහන් කරයි.

aruna.lk

Related posts

මහ මැතිවරණයට අමෙරිකාවෙන් සුබ පැතුම්

colombotoday

‘අගමැතියි, ග්‍රාමසේවකයි දෙන්නම හොරු රකිනවා.. ජනතාවට කෙළවුනා‘ – රන්ජන් (Video)

colombotoday

සනීපාරක්‍ෂක තුවා අත්‍යඅවශ්‍ය භාණ්ඩයක් කරන්න. ආණ්ඩුවට පැන්න ඩයනා ඉල්ලයි.

colombotoday

ඇමතිකම් ගත් සියල්ලන් නිදහස් පක්‍ෂයේ තනතුරුවලින් නෙරපයි

colombotoday

ගෑස් මිල ඉහළ දැමීමට කැබිනට් අනුමැතිය !

colombotoday

2020 ජනාධිපතිවරණයට හංස සන්ධානයේ පොදු අපේක්‍ෂකයා වන්නැයි කුමාර සංගක්කාරට යෝජනවක්…

colombotoday