පොලිසිය විසින් අත්අඩංගුවට ගෙන සිටින කුරුණෑගල රෝහලේ වෛද්‍ය ෂාෆි ෂිහාබ්දීන් නිර්දෝෂී බව බස්නාහිර ආණ්ඩුකාර අසාද් සාලි පවසයි.
ඔහු හිගන්නෙක් නොවන බවත්, රාජ්‍ය සේවකයෙක් වුවත් ඔහුට ව්‍යාපාර කිරීමේ බාදාවක් නැති බවත් පවසන ආණ්ඩුකාරවරයා ෂාෆි ෂිහාබ්දීන්ව අත්අඩංගුවට ගෙන ඇත්තෙ කිසිදු පදනමක් නොමැති බව සදහන් කරයි.
මෙම වෛද්‍යවරයා අත්අඩංගුවට ගැනීම සම්බන්ධයෙන් වයඹ පළාත් නියෝජ්‍ය පොලිස්පතිවරයා සම්බන්ධයෙන් පරීක්ෂණයක් ආරම්භ කරන්නැයි පොලිස්පතිවරයා හරහා ද දැන්වූ බව ද ඔහු කියා සිටියේය.
මෙම කටයුත්ත පසුපස සම්පූර්ණයෙන්ම සිටින්නේ නියෝජ්‍ය පොලිස්පතිවරයා බවද ඔහු වැඩිදුරටත් සඳහන් කළේය.
ආණ්ඩුකාර කාර්යාලයේ දී පැවති මාධ්‍ය හමුවක් අමතමින් ඔහු මෙම අදහස් පළ කළේය.