විසි වන සංශෝධනය හරහා ජනතා විමුක්ති පෙරමුණ ඉටු කරන්නේ බෙදුම්වාදීන්ගේ උවමනාව බව ජාතික නිදහස් පෙරමුණේ ප්‍රචාරක ලේකම් මොහොමඩ් මුසම්මිල් මහතා පවසයි.
පිටකෝට්ටේ පිහිටි ජාතික නිදහස් පෙරමුණු කාර්යාලයේ පැවති මාධ්‍ය හමුවක් අමතමින් හෙතෙම මේ බව කියා සිටියේය.
එහිදි අදහස් දැක්වූ මුසම්මිල් මහතා,
“ජවිපෙ කස කාරයා, බවට පත්වෙමින් රනිලුයි සුමන්තිරනුයි ඒ පෝලිමට මහින්ද රාජපක්ෂවත් දාගෙන 20 දක්වා අරගෙන යන්නයි ඔවුන්ගේ සැලැස්ම තිබුණේ. ඒකාබද්ධය ඊට විරුද්ධවීමත් සමඟ ජවිපෙ දැන් ගලේ පහරපු බළලුන්ගෙ තත්ත්වෙට පත්වෙලා තියෙන්නේ.
බෙදුම්වාදීන්ගේ වුවමනාවන් ඉෂ්ට කරන්න ඒ යෝජනා කරපින්නාගෙන ඇවිල්ලා. ඒ අතරට සමාජයේ කතාබහට ලක් වෙන මැතිවරණ ක්‍රමය සංශෝධනයත් ඒකට එබ්බුවා. මේ විධායක ක්‍රමය අහෝසි කිරීම, මැතිවරණ ක්‍රමය සංශෝධනය කිරීම කියන දවටන අස්සෙ ඔතලා මේ ගේන්නෙ බෙදුම්වාදී වස කුප්පිය. මේ වස කුප්පිය ජනතාවට පෙවීමට තමයි මේ 20 ගේන්නේ.“ යැයිද කියා සිටියේය.