අගමැති රනිල් වික්‍රසිංහ මහතාගේ නායකත්වයෙන් යුතු නව කැබිනට් අමාත්‍ය මණ්ඩලය එළඹෙන සති අන්තයේ දිවුරුම් දීමට නියමිතව ඇතැයි එජාප ආරංචි මාර්ග සදහන් කරයි.
අගමැතිවරයාට එරෙහිව ඒකාබද්ධ විපක්ෂය විසින් ගෙන එන ලද විශ්වාසභංගය පරාජය කිරීමට එජාපයට හැකිවනු ඇතැයි එජාපය දැඩි විශ්වාසයකින් පසුවන අතර, අගමැතිවරයාට එරෙහිව ඡන්දය භාවිතා කරන හා එදිනට පාර්ලිමේන්තුව වර්ජනය කරන ආණ්ඩුවේ කිසිවෙකුටත් නව ආණ්ඩුවේ තනතුරු ලබා නොදීමට තීරණය කර ඇතැයිද පැවසේ.
මේ අතර විශ්වාසභංගයෙන් පසුව ජනාධිපතිවරයාට එරෙහිව දෝෂාභියෝගයක් ගෙන ඒමටද එජාප පසු පෙළ මන්ත්‍රී කණ්ඩායම සැලසුම් කර ඇතැයිද පැවසේ.
කෙසේ වෙතත් අග්‍රාමාත්‍යවරයා ගේ ස්ථාවරය වී ඇත්තේ, ධුර කාලය ඉවරවන තුරු ජනාධිපතිවරයා බලයේ රැදී සිටිය යුතු බව යැයිද පැවසේ.