Colombo Today Local News

විරෝධතාකරුවන්ට පහරදීම ගැන නාමල් විවේචනය කරයි

තම පක්ෂයේ විරෝධතාවට එරෙහිව ගොනු කළ චෝදනා අධිකරණයේදී තහවුරු කර ගැනීමට පොලිසිය අසමත් වූ බව ‍පෙරටුගාමී සමාජවාදී පක්ෂය පවසයි.

මේ අතර අද සිය ට්විටර් ගිණුමේ සටහනක් තබමින් හිටපු පාර්ලිමේන්තු මන්ත්‍රි නාමල් රාජපක්ෂ මහතා ද පොලිසියේ ක්‍රියාකලාපය විවේචනය කර තිබුණි.

විරෝධතාවයේ නිරතවී නිරෝධායන නීති හා අධිකරණ නියෝග කඩ කිරීමේ චෝදනා මත අත්අඩංගුවට ගැනුණු විරෝධතාකරුවන් 53 දෙනා ඊයේ රාත්‍රියේ ඇප මත මුදාහැරුණි.

අමෙරිකානු ජාතික ජෝජ් ෆ්ලොයිඩ්ගේ ඝාතනය හෙළා දකිමින් විරෝධතා පැවැත්වූ පෙරටුගාමී සමාජවාදී පක්ෂයේ 53 දෙනෙකු ඊයේ දහවල් පොලිස් අත්අඩංගුවට පත් විය.

ඒ අධිකරණ නියෝගය කඩ කිරීම සහ නිරෝධායන නීතී උල්ලංඝනය කිරීමේ චෝදනාව මතයි.

එම පිරිස ඊයේ සවස කොටුව මහේස්ත්‍රාත් අධිකරණය හමුවට ඉදිරිපත් කිරීමෙන් අනතුරුව ඇප මත මුදා හැරුණි.

මෙම සිදුවීම පිළිබඳ මෙරට අමෙරිකානු තානාපති කාර්යාලය නිවේදනයක් නිකුත් කරමින් කියා තිබුණේ සාමකාමි ලෙස විරෝධතා පැවැත්වීමට සියලු දෙනාටම අයිතිය ඇති බවයි.

පෙළපාලිය අවහිර කරන මෙන් තානාපති කාර්යාලයෙන් කිසිඳු ඉල්ලීමක් කර නොමැති බවත් රටේ සිටින තානාපති කාර්යාල මණ්ඩල සහ පරිශ්‍ර ආරක්ෂා කරමින් ශ්‍රී ලංකා රජය හා නීතිය බලාත්මක කරන ආයතන කොව්ඩ් ව්‍යාප්තිය පාලනය සඳහා දරන වෑයම අගය කරන බවත් එම නිවේදනයේ සඳහන්ව තිබුණි.

Related posts

අත්අඩංගුවට ගන්න හොයද්දී ලෙඩ වූ රාජිත සුව වී ගෙදර යයි…

colombotoday

“ජවිපෙ සහය රනිල්ට“ පුවත ගැන ජවිපෙන් විශේෂ නිවේදනයක්

colombotoday

ජනාධිපති වෙන්න මට බැරිවෙයි – සජිත් කියයි

colombotoday

රජයේ රෝහල්වල ඖෂධ හා ශල්‍ය උපකරණවල හිඟයක් නැතැයි සෞඛ්‍ය අමාත්‍යංශය කියයි

colombotoday

විදුහල්පති සම්මුඛ පරීක්ෂණයට කැඳවීම 22 සිට ඇරඹේ

Admin

ඔස්ට්‍රේලියාවේ දී ශ්‍රී ලාංකික පියෙකු සහ පුතෙකු මිය යයි

Admin