Colombo Today Local News

“විජයදාසගේ කෘතිය ඔහුට විරුද්ධව විනය පරීක්ෂණයක් පවත්වන්න හේතුවක් විය හැකියි”

විජයදාස රාජපක්ෂ මහතා ලියූ රාජ්‍ය පාලනයේ විකාශය හා ශ්‍රී ලංකාවේ අනාගතය ග‍්‍රන්ථය හේතුවෙන් එක්සත් ජාතික පක්ෂයේ මන්ත්‍රීවරයෙක් වූ ඔහුට විරුද්ධව විනය පරීක්ෂණයක් පැවැත්වීමට හේතුවක් වනු ඇතැයි සැක සිතෙන බව ජනාධිපති මෛත්‍රීපාල සිරිසේන මහතා  ප‍්‍රකාශ කළේය.

එවැනි පරීක්ෂණයක් පැවැත්වුවහොත් තමන්ටත් සාක්ෂි දෙන්නට සිදුවිය හැකි යැයි ද සිරිසේන මහතා කීය.

බෞද්ධ රටක් ලෙස අප අද සිටින්නේ කොතැන දැයි යන්න පසුගියදා පොලොන්නරුවේ දී විසි හැවිරිදි මවක් දරුවාට කිරිදෙන්නට මත්කුඩු ඉල්ලා සිටි අන්දමින් වටහා ගත හැකි යැයි පැවසූ ජනාධිපතිවරයා රට පත්ව ඇති තත්ත්වය වෙනස් කරන්නට එකමුතුවීම සියලූ දේශපාලඥයින්ගේ වගකීම යැයි ද කියා සිටියේය.

එසේ නොවුනහොත් කෙටි කාලයක් තුළ මෙකී අර්බුද සමඟ බලාපොරොත්තු නොවු විශාල අර්බුදයකට රටම වැටෙන්නට ඉඩ කඩ ඇතැයි ද ජනාධිපතිවරයා සඳහන් කළේය.

ජනාධිපති මෛත‍්‍රිපාල සිරිසේන මහතා මේ අදහස්  පළ කළේ පාර්ලිමේන්තු මන්ත‍්‍රී ආචාර්ය විජයදාස රාජපක්ෂ මහතා ලියු ග‍්‍රන්ථ ත‍්‍රිත්වයක් හා ඔහුගේ නිර්මාණ ඇතුළත් සංයුක්ත තැටි ත‍්‍රිත්වයක් ජනගත කිරීම නිමිත්තෙන් කොළඹ බණ්ඩාරනායක අනුස්මරණ ජාත්‍යන්තර සම්මන්ත‍්‍රණ ශාලාවේ දී ජනාධිපතිවරයාගේ ප‍්‍රධානත්වයෙන් පැවැති උත්සවයකදීය.

මහා සංඝරත්නය ද, විපක්ෂ නායක මහින්ද රාජපක්ෂ මහතා සහ මැති ඇමතිවරුන් ඇතුළු විශාල පිරිසකගේ මෙම උත්සවයට සහභාගි වූහ.

Related posts

අධික බදු බරට එරෙහිව අද සිට අඛණ්ඩ විරෝධතා මාසයක්

Admin

ඇඳිරි නීතිය කඩපු 9067 දඩුවම්

colombotoday

“ශ්‍රී ලංකා හමුදාව යුද අපරාධ කළා.. ඔවුන්ට කරන දේ ගැන අපි සාකච්ඡා කරනවා” – චන්ද්‍රිකා

colombotoday

සිංහල රටේ සිංහලයෙකුනම් රට ගැන හිතපන්.. සේනාධිපතිගෙන් සිරස මාධ්‍යවේදීන්ට සැර පහරක්

colombotoday

විදේශ තැපෑල සේවා ගාස්තු අගෝස්තු 1 සිට ඉහළට

colombotoday

එටිසෙලාට් සමාගම DATA ජාවාරමක – පාරිභෝගිකයාගේ මුදල් ගසා කාලා

colombotoday