Colombo Today Local News

“වැඩ කරන්න බැරිනම් මම ඇමතිකම දාල යනවා“ අලි හබය නිසා ෆොන්සේකා කණස්සල්ලෙන්…

සිංහරාජයේ අලි මිනිස් ගැටුම විසඳීමට ජනපතිවරයා තමාට සහය දෙන බව පැවැසුවද මේ දක්වා කිසිදු උපදෙසක් ලැබි නොමැති බවත් ජනතාවගේ අවශ්‍යතාවය ඉටු කිරීමට නොහැකි නම් තමා වනජීවී අමාත්‍ය ධුරයෙන් ඉවත් වන බවත් වනජීවී අමාත්‍ය ෆීල්ඩ් මාර්ෂල් සරත් ෆොන්සේකා මහතා පැවසීය.

සිංහරාජ අලි දෙදෙනා ඉවත් නොකොට සිංහරාජ තුළම රඳවා අලින්ට වෙනම ස්ථානයක් සකස් කිරීමට පසුගියදා ජනපතිවරයා පැවැසීමෙන් පසු තමා ඒ සඳහා ස්ථානයක් තෝරා ගත් බව අමාත්‍යවරයා කීය. ඒ අනුව රක්වාන ප්‍රදේශයේ පිහිටි ඩිපර්ඩින් වතුයායෙන් අක්කර 50ක භූමි භාගයක් මේ සඳහා තෝරා ගෙන ඇත.

මෙම වත්ත මේ සඳහා වෙන් කර ගැනීම සඳහා වතු සංවර්ධන අමාත්‍යාංශයේ සහයෝගය ලබාදෙන ලෙස තමා ඉල්ලීමක් කළ බවද අමාත්‍යවරයා කියා සිටියේය. එමෙන්ම මෙම අලින් සඳහා වෙන් කරන කොටුව සෑදීමට අවශ්‍ය උපකරණ සූදානම් කරන ලෙස වනජීවී දෙපාර්තමේන්තුවටද තමා උපදෙස් දුන් බව ඒ මහතා කීය. මෙම ප්‍රදේශය තුළ අලි දෙදෙනා සංරක්ෂණය කිරීම සඳහා අවශ්‍ය අක්කර 50 භූමි ප්‍රමාණය කොටු කිරීම සඳහා මාස 3ක් පමණ ගත වන බව හෙතෙම පැවැසීය. මාස තුනක් ඇතුළතදී මෙම කාර්ය සිදු කිරීමට තමාට උපකාර නොකරන්නේ නම් තමා වනජීවී අමාත්‍ය ධුරයෙන් ඉවත් වන බව ඒ මහතා කියා සිටියේය. තමා ඉවත් වුවහොත් වනජීවී නියෝජ්‍ය අමාත්‍යවරයාද එම ධුරයෙන් ඉවත් වීමට සූදානම් බව වනජීවී අමාත්‍ය සරත් ෆොන්සේකා මහතා කීය. ජනපතිවරයාගේ උපදෙස් තමා පිළිගත්තද ජනපතිවරයා මේ සඳහා තවම කිසිදු උපදෙසක් ලබාදී නැතැයි හෙතෙම පැවැසීය.

ලක්බිම

Related posts

මුස්ලිම් අමාත්‍යවරුන්ගේ දින 30 නාටකය – මුසම්මිල්

colombotoday

Colombo Today පුවතින් පසු aljazeera කැළඹෙයි. අලි සබ්‍රි ජාතිවාදය ගැන කිවූ කොටස ඉවත් කර ගනියි

colombotoday

වරාය මෙහෙයුම් කටයුතු වලට ඩිජිටල් සන්නිවේදන පද්ධතියක්

Admin

සිංහලයෙකු සමග විවාහවූ කාන්තාවකට ෂරියා නීතිය ක්‍රියාත්මක කල අටළුගමදී පල්ලිය වීඩියෝ කල මාධ්‍යවේදියෙකුටත් පහර දෙයි

colombotoday

ගලගොඩඅත්තේ ඥනසාර හිමියන් සමගින් “ශ්‍රී TV හෙලිදරව්ව” සජීවීව

colombotoday

ඉන්ධන අර්බුදය නිසා පාර්ලිමේන්තුවත් වැසෙයි

colombotoday