කොළඹ වරායේ සේවකයින් තිදෙනෙකු ආරම්භ කර ඇති උපවාසය තවදුරටත් ක්‍රියාත්මක කර තිබේ.
චීනයෙන් ගෙන් වු දොඹකර තුනක් කොළඹ වරායේ නැගෙනහිර පර්යන්තයේ සවි නොකිරිමට විරෝධය පල කරමින් වරාය වෘත්තිය සමිති ක්‍රියාකාරීන් තිදෙනෙකු දොඹකරයකට නැග ඊයේ (01) දිනයේ මෙම උපවාසය ආරම්භ කළේය.
අදාළ දොඹකර වරායේ නැගෙනහිර පර්යන්තයේ සවි කිරිමට බලධාරින් එකඟතාව පල කරන තුරු සිය විරෝධතාව අඛණ්ඩව සිදු කරන බව වරාය සේවකයින් පවසයි.
පවතින ගැටලුව සම්බන්ධයෙන් අද (02)දින පෙරවරු 10.00ට විශේෂ සාකච්ඡාවක් පැවැත්වෙන බව ස්වාධින වරාය සේවක සංගමයේ සභාපති ලාල් බංගමුවගේ මහතා පවසයි.
එහිදී ද සිය ගැටලුවට විසඳුම් නොලැබුණහොත් ආරම්භ කර ඇති වෘත්තිය සමිති ක්‍රියාමාර්ගය තවදුරටත් තීවුර කරන බව ලාල් බංගමුවගේ මහතා සඳහන් කරයි.
කොළඹ වරායේ නැගෙනහිර පර්යන්තය ඉන්දීයාවට ලබාදීම සම්බන්ධයෙන් මෙතෙක් අවසන් තීරණයක් ගෙන නොමැති බව අග්‍රාමාත්‍ය මහින්ද රාජපක්ෂ මහතා පවසයි.
දෙමළ මාධ්‍යවේදීන් සමග ඊයේ අරලියගහ මන්දීරයේ පැවැති සාකච්ඡාවක දී අග්‍රාමාත්‍ය මහින්ද රාජපක්ෂ මහතා මේ බව සඳහන් කළේය.