මාවතගම, අබකොටේ ප්‍රදේශයේදී ජලය පිරුණු වළකට වැටීමෙන් හය හැවිරිදි ළමයෙකු මියගොස් තිබේ.
සිය නිවස අසල තිබූ ජලය පිරි වළකට වැටීමෙන් ඊයේ (11)දින රාත්‍රී මෙම ළමයා මියගොස් ඇති බව පොලීසිය සඳහන් කළේය.
මේ අතර කල්කුඩා, අලිගල ප්‍රදේශයේ දී මුහුදේ දිය නෑමට ගිය 17 හැවිරිදි තරුණයෙක් දියේ ගිලී මියගොස් තිබේ.
පාසිකුඩා පොලිස් ජීවිතාරක්ෂක නිලධාරීන් විසින් දියේ ගිලුණු තරුණයාගේ සිරුර සොයාගෙන ඇති බව පොලීසිය සඳහන් කළේය.