ලොව පුරා කොවිඩ් බලපෑම

ලොව පුරා කොරෝනා වෛරස් ආසාදිතයන්ගේ සංඛ්‍යාව56 ලක්ෂ 81,609 කට ආසන්න වී තිබේ.

එමෙන්ම කොරෝනා මරණ තුන් ලක්ෂ 52,162ක්ද වාර්තා වේ.

ඇමෙරිකාවේ කොරෝනා මරණ සංඛ්‍යාව 100,579ක් වන අතර එරට ආසාදිතයන් සංඛ්‍යාව1,725,275 ක් ඇති බවයි විදෙස් මාධ්‍ය වැඩිදුරටත් වාර්තා කරයි.

ඉතාලියේ කොරෝනා මරණ සංඛ්‍යාව මේ වන විට 32,955ක් ඉක්මවා තිබෙනවා. ඒ ඊයේ(26) දිනයේදී නව මරණ 78ක් සිදු වීමත් සමඟයි.

පැය 24ක් ඇතුලත නව කොරෝනා ආසාදිතයන් 397ක් එකතු වීමත් සමඟ එරට මුළු අසාදිතයන්ගේ සංඛ්‍යාව 230,555ක්දක්වා ඉහළ ගොස් ඇත.

මේ අතර, ඉන්දියාවේ ආසාදිත සංඛ්‍යාව මේ වනවිට එක්ලක්ෂ 45,000 ඉක්මවා ඇති අතර, අද උදෑසනින් අවසන්වූ පැය 24 තුළ ඊට ආසාදිතයන් 6,535 ක් එක්වී තිබේ.

එමෙන්ම ඉන්දියාවෙන් කොරෝනා මරණ 4,167 ක්ද වාර්තාවන බව එරට සෞඛ්‍ය අමාත්‍යාංශය නිවේදනය කරයි. වෛරසයේ ව්‍යාප්තිය මැඩලීමට මාස දෙකක් වසා තිබූ රට යළි විවෘත කිරීම ආරම්භ කිරීමත් සමඟ ආසාදිත සංඛ්‍යාව ඉහළ ගොස් ඇත.