Colombo Today Local News

රූපවාහිනියට සභාපතිලා දෙදෙනෙක් ! – මංගලගේ අලුත් පත්කිරීමට ජනපති හරහට හිටී…

නව රජයේ මාධ්‍ය විෂය බාර අමාත්‍යවරයා ලෙස ඊයේ (20) දිනයේ රාජකාරි ආරම්භ කල මංගල සමරවීර අමාත්‍යවරයා විසින් ජාතික රුපවාහිනියේ නව සභාපති ලෙස ඉනෝකා සත්‍යංගනී කීර්තිනන්ද මහත්මිය පත්කර ඇතත්, දැනට සභාපති ධුරය දරන නීතිඥ සරත් කෝන්ගහගේ මහතාට එම ධුරයෙන් ඉවත් නොවන ලෙස ජනාධිපතිවරයා විසින් දැනුම්දීමක් කර ඇතැයි වාර්තාවේ.

ඉනෝකා සත්‍යංගනී කීර්තිනන්ද මහත්මිය අද (21) දිනයේ වැඩ බාර ගැනීමට නියමිත හෙයින් කෝන්ගහගේ මහතා සේවකයින් අමතා ඊයේ ආයතනයෙන් ඉවත්ව ගොස් ඇතත්, ජනාධිපතිවරයා ඊයේ රාත්‍රී ඔහුට දුරකථන ඇමතුමක් ලබාදෙමින් තනතුරින් ඉවත් නොවන ලෙසත් අද දිනයේ ජාතික රුපවාහිනිය හා ජාතික ගුවන් විදුලි සේවය තමා යටතට පත්කර ගන්නා බවත් ප්‍රකාශ කර ඇතයි ද පැවසේ.

ඒ අනුව අද යළි තමා සේවයට එන බව සරත් කෝන්ගහගේ මහතා රුපවාහිනියේ ප්‍රවෘත්ති අධ්‍යක්ෂවරයාට දැනුම් දී ඇත.

ජනාධිපතිවරයා විසින් අද දිනයේදී අමාත්‍යංශ ලේකම්වරුන් හා අමාත්‍යංශ වලට අදාළ ආයතන හා විෂයයන් ගැසට් කිරීමට නියමිතය. එහිදී ජාතික රුපවාහිනිය ඇතුළු වෙනත් අමාත්‍යංශ වලට අයත් විෂයන් කිහිපයක් ඔහු යටතේ තබා ගැනීමට ජනාධිපතිවරයා තීරණය කර ඇතැයි ජනාධිපති කාර්යාල ආරංචිමාර්ග පවසයි.

Related posts

ගුවන් හමුදාවට සහ නාවික හමුදාවට ඕස්ට්‍රේලියාවෙන් ඉන්ධන පරිත්‍යාගයක්..

colombotoday

රනිල් මාධ්‍යට තර්ජනය කළේ නෑ… මාධ්‍ය නිදහස දැන් උපරිමයි – චම්පික

colombotoday

අශෝක් ස්ටීල් කර්මාන්ත ශාලාවේ 194 දෙනෙකුට කොරෝනා. – ඉන්දියානුවන් 90 කුත් ඒ අතර.

colombotoday

ඥානසාර හිමි හැකි ඉක්මනින් නිදහස් කරනවා – ජනපතිගෙන් භික්ෂූන් වහන්සේලාට පොරොන්දුවක්

colombotoday

කාදිනල් තුමත් ශ්‍රී දළදා මහ මළුවට එයි… අන්තවාදයට එරෙහිව සිංහල බොදු/කිතුණු, හින්දු, සියල්ල අත්වැල් බැදගනී…

colombotoday

අනුරට අයර්ලන්තයේ ගෙයක් නෑ.. බොරුවලට රැවටෙන්න එපා.. අපි පොලිසි යනවා – ජවිපෙ

colombotoday